A ravuti Costa Rica, Nicaragua, kei Panama na cagilaba o Otto ena ika23 ni Noveba, 2016. Na uca bi, waluvu, kei na sisi ni qele e lakovata mai na cagilaba e vakavuna mera toki e levu. E laurai ena itukutuku e tauri rawa ni sega ni mate se mavoa e dua na iVakadinadina i Jiova e Costa Rica kei Nicaragua. E ka ni rarawa ni mavoa e dua na iVakadinadina e Panama, rau mate tale ga e dua na veiwatini iVakadinadina ena sisi ni qele. Era sa yavala na iVakadinadina i Jiova mera vakarautaka na veika vakayago kei na veika vakayalo mera vukei kina o ira era vakaleqai ena cagilaba.

E vakamuria toka vakavoleka na ituvaki na iLawalawa Dauvakatulewa ni iVakadinadina i Jiova ena itikotiko liu e Niu Yoka. Ke gadrevi, eratou na solia na veivakadonui na lewe ni ilawalawa qori me vakayagataka na komiti ni vakacoko na ilavo e dau cautaki me baleta na nodra cakacaka na iVakadinadina e veiyasa i vuravura.

Gusunivosa:

Veiyasa i vuravura: David A. Semonian, Valenivolavola ni iTukutuku, 1-845-524-3000

Costa Rica: Pedro José Novoa Vargas, 506-8302-8499

Nicaragua: Guillermo José Ponce Espinoza, 505-8856-1055

Panama: Dario Fernando De Souza, 507-6480-3770