E mataboko o Helen Budge, e dua na iVakadinadina i Jiova e Edinburgh mai Sikoteladi. Me vakataki ira ga na vo ni iVakadinadina i Jiova, e sega ni rawa ni vunau e veivale o Helen ena vuku ni vakatatabu ni matedewa. Ia qori e sega ni tarova nona veisureti vakalevu ena iVakananumi ni mate i Jisu.

Me rawa ni vakaitavi ena vunau o Helen, ena vola e liu e dua na sabolo ni nona ivola ni vakayagataka na braille notetaker. E kaya: “Qori e vaka ga niu vakayagataka tiko na peni kei na pepa.” Oti sa na qai tukuna vei vugona na ka me vola.

Me vaka ni rau iVakadinadina i Jiova tale ga o tinai Helen kei nona Bu, e dau bibi gona vei koya na iVakananumi. E kaya o Helen ni dau rai vakanamata ina veisureti ni soqo qo. E kaya: “Qo sa ika70 ni iVakananumi meu tiko kina, e veiyabaki au dau marautaka niu taura na ivola ni veisureti ina iVakananumi vakabraille. Au na wilika me rawa ni matata vei au na ka e volai kina. Au sa qai dau vakasamataki ira o cei meu sureta.”

Se mani vacava na ituvaki era tu kina na tacida yalodina e veiyasa i vuravura. Na loloma ga ena uqeti ira mera sureti ira eso tale ena iVakananumi ni mate i Karisito, ena Vakarauwai na ika27 ni Maji.—Luke 22:19.