E rauta na le 3,000 na mataveitacini era vakarabailevutaka nodra cakacaka vakavunau, ena gauna e caka tiko kina na Pan American Games kei na Parapan American Games e Lima, mai Peru. E tekivu ena ika26 ni Julai , 2019, ena qai cava ena imatai ni Seviteba, ra vakaitavi kina e sivia na le 8,500 na dauqito. E namaki nira na tiko tale ga kina na le 250,000 na dausaravanua.

Era tuvanaka na dautukutuku e 100 na qiqi ni vunau ena 53 na dui vanua me baleti ira e levu na vulagi. E vakarautaki na ivola ena vosa vakaAymara, vakaValagi, vakaVaranise, vakaPotukali, vaQuechua (ena Ayacucho), kei na vakaSipeni. E biu tale ga kina na vidio ni vosa vagalu e Peru me baleti ira na vulagi era daligavara se ra sega ni rogo vinaka.

E kaya o Brother Kemps Moran Hurtado, e veivuke kena tuvanaki na sasaga qori: “Qo e rawa kina ni keimami vunau vei ira na duikaikai, duidui nodra isususu kei na itovo, ni levu mai na veivanua era tiko kina. Na neimami vunau e bibi ena neimami veivakavulici ena iVolatabu. Era na raica tale ga kina e levu na neimami cakacaka na iVakadinadina i Jiova.”

Eda marau nida rogoca na tubu ni cakacaka vakavunau qori. Eda nuidei ni na vakalougatataka tiko ga o Jiova na nodra cakacaka vakavunau na mataveitacini e Peru, nira vunau ena vanua cava ga era tu kina na tamata.—Cakacaka 17:17.