Sa 17 na yabaki nodra dau veivosakitaka tiko na iVolatabu eso na tacida, vei ira na kaivesu ena valeniveivesu na Jilava Bucharest Penitentiary mai Romania. E qai vakatabui na veisiko e valeniveivesu ni tekivu veitauvi na COVID-19. Ia ni vo e rua na macawa me caka na iVakananumi ena ika27 ni Maji 2021, era vakadonuya na vakailesilesi ni valeniveivesu mera veivosaki na tacida, kei ira na ovisa ni vakayagataki na internet (videoconference). Era kerea tale ga na tacida me caka tale ga va qori ena iVakananumi. Era mani vakadonuya na vakailesilesi, ra qai tiko kina e 21 na kaivesu kei na 4 na vakailesilesi.

A vunau ena iVakananumi o Brother Corneliu Cepan. E qai vakadewataka ena vosa vaKirisi o Brother Angelos Karamplias, ni sema tale tiko ga mai e dua na kaivesu e vosataka na vosa qori. Ratou vakarorogo tale ga e va na vakailesilesi ni valeniveivesu, kei na dua na dairekita.

E kaya o Brother Cepan: “E ka dokai vei au meu vunau ena iVakananumi qo. Dua na ka nodratou vakarorogo na kaivesu, ratou vakasamataka tale ga nona loloma o Jisu ni solia nona bula ena vukudratou.”

E kaya o Brother Karamplias: “Keitou vakavinavinakataka ni vakarautaka o Jiova e dua na sala me keimami vunau kina vei ira na kaivesu, mera tiko tale ga ena iVakayakavi ni Turaga. Keitou nuitaka ni na so tale na kaivesu era tiko tale ga ena vulici ni iVolatabu, mera vakila tale ga na kena veivakacegui.”

Eda marau nira vakadonuya na vakailesilesi ni valeniveivesu mera rogoca na kaivesu na ivunau ni iVakananumi.—1 Timoci 2:3, 4.