OKOTOVA 18, 2022
RUSIA

“Au Sakitaka Noqu Vakatokayacataki Vei Jiova”

SARAVA/ROGOCA

Ena ika10 ni Okotova 2022, e kaya na mataveilewai na Kezhemskiy District Court of the Krasnoyarsk Territory mai Rusia, ni cala o Brother Ildar Urazbakhtin. E vakatatabutaki tale ga me ono na yabaki. E sega ni biu e valeniveivesu ena gauna qo.

Veitaravi ni Gauna

Julai 20, 2021

Caka na vaqaqara ena lima nodratou vale na tacida ena siti o Kodinsk, wili kina nodratou vale o Ildar. E mani kau me vesu tu vakawawa
Julai 21, 2021

Sere qai vakatatabutaki e vale. Vakatabui me vakayagataka na talevoni kei na internet
Seviteba 20, 2021

Laveti nona vakatatabu e vale, qai vakatabui me gole ina dua tale na vanua
Janueri 13, 2022

Beitaki ni cakava tiko na zoom qai “uqeti ira na mataveitacini mera vulica na iVolatabu, mera veitokoni tale ga”
Maji 30, 2022

Tekivu na veilewai

Kena iTukutuku

Ildar Urazbakhtin

Sucu: 1963 (Bratsk, Yasayasa o Irkutsk)

Me baleti koya: Vulica na veika vakalivaliva. E vakailesilesi ena dua na kabani

Rau vakamau kei Gulnora ena 1987. E masulaka vua na Kalou ni via kila na inaki ni bula. Sotavi ira na iVakadinadina i Jiova, qai vulica sara na iVolatabu. E papitaiso ena 1999, qai papitaiso o watina ena 2006

E dua na luvedrau tagane, dua tale ga na yalewa, qai tolu na makubudrau

Ka e Tukuna

E vakayaloqaqataki iko vakacava o Jiova ena gauna o vesu tu kina?

Gauna qori au sega tu ni kila na ka meu cakava, kei na ka ena yacovi au. Ia e vakasakiti na sala e vakayaloqaqataki au kina o Jiova. A gole mai e dua na yadra ena vanua au vesu tu kina, qai taroga mai e katubaleka: “Dua na ka o via wilika?” Au tarogi koya lesu: “E tiko qori na iVolatabu?” E kauta sara mai e dua na iVolatabu, au mani wilika kina eso na italanoa au dau taleitaka. Oti qori, e qai kila e dua tale na yadra niu vakabauta na Kalou, e taroga tale ga eso na taro. E vica vata na aua neirau veitalanoa tu. Qori sara ga na ka au vinakata.

Cava e vukei mo yaloqaqa tiko ga?

E kaya na Vosa Vakaibalebale 28:1: “E dro na tamata ca ni sega ni dua e cemuri koya, ia o ira na yalododonu era yalodei me vaka na laione.” Au sega ni maduataka e dua na ka, niu kila ni sega ni dua na cala au cakava. Au sakitaka noqu vakatokayacataki vei Jiova! Keimami vakaukauataki ena veivakacacani keimami sotava tiko e Rusia. E dina na ka e dau tukuna o Jiova, ya ni na vakacavara nona vakarautaki keimami, ena vakaukauataki keimami tale ga.—1 Pita 5:10.

Na veika e sotava o Ildar kei ira na tacida e Rusia, eda vakadeitaka kina ni vinakata na Kalou o Jiova, e tu vakarau tale ga me vukei keda ena “gauna ni rarawa.”—Same 46:1.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU