FEPERUERI 20, 2023
RUSIA

“Au Sega ni Rerevaka e Dua na ka ni Tokoni au o Jiova”

SARAVA/ROGOCA

Ena ika17 ni Feperueri, 2023, e kaya na mataveilewai na Gorno-Altayskiy City Court e Rusia ni cala o Brother Aleksandr Kalistratov qai rube na nona kisi me ono veimama na yabaki. Ena sega ni curu e valeniveivesu.

Kena iTukutuku

Aleksandr Kalistratov

Sucu: 1976 (Biysk, Altai Territory)

Me baleti koya: E mate o tamai Aleksandr ni se qai yabaki tolu. E nodra vuniwai ni vakasama na gone

E dau vakabauta tu e liu na bula vakaidewadewa. E vulica na iVolatabu o tinana kei ira na iVakadinadina i Jiova. E taleitaka ni matata na ka e vakamacalataka na iVolatabu me baleta na ibulibuli

Papitaiso ena 1994. Rau vakamau kei Yuliya ena 2020

Sa vakarua na nona beitaki ena basulawa. Kena imatai ena 2000 ni bese ni curu ena mataivalu, na kena ikarua ena 2010, e beitaki ni vakavuna na tikoyavavala

Ka e Tukuna

Cava o vulica ena gauna o vesu tu kina?

Au vesu ena imatai ni gauna me 21 na siga, au sega ni veitaratara kei dua tale. Au vulica ena gauna qori meu nuitaki Jiova vakatabakidua. Au sega ni rerevaka e dua na ka ni tokoni au o Jiova. Ena gauna qo keu lomaleqataka e dua na ka, au dau vakasamataka lesu na sala e vukei au kina o Jiova. Au vakadeitaka gona ni o Jiova e kila vinaka na veika au sotava tiko.

Na tikinivolatabu cava e vakayaloqaqataki kemudrau vakaveiwatini?

Qori na iKarua ni Samuela wase 22, e kaya na tikina e 3: “E noqu uluvatu na noqu Kalou, au na dro vua, e noqu isasabai . . . , e noqu ivakaruru tudei, na vanua meu dro kina, na noqu ivakabula.” Keirau dau wilika na tikina qo ni bera niu gole ena mataveilewai. E vukei au meu kila ni o Jiova na noda ivurevure ni kaukaua.

Eda nuidei ni o Jiova ena rogoci ira na nona tamata yalodina nira kacivi koya ena gauna ni rarawa.—2 Samuela 22:7.

Veitaravi ni Gauna

2000

Vesu ni sega ni via curu ena mataivalu. Vesu me wawa veilewai me 21 na siga. Talaci nona kisi
2010

Beitaki ni vakavuna na tiko yavavala. E rogoci vakarua nona kisi, qai kau ina Mataveilewai Cecere. E talaci tale nona kisi
Tiseba 16, 2021

Beitaki tale ena basulawa
Janueri 16, 2022

Era vaqaqara na ovisa ena lima na nodra vale na iVakadinadina i Jiova ena Republic of Altai e Rusia. Era curuma na ovisa na nodrau vale na veiwatini na Kalistratov qai kau o Aleksandr me lai vakatarogi. E sereki e vale, ia e vakatabui me gole ena dua tale na vanua
Okosita 25, 2022

Tekivu veilewaitaki

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU