OKOSITA 12, 2024
RUSIA

“Au Sega ni tu Taudua”

SARAVA/ROGOCA

Ena vakarau tauca na mataveilewai na Vyselkovskiy District Court of the Krasnodar Territory e Rusia na lewa me baleti Sister Irina Zinina. E se bera ni kerea na dauveibeitaki na kena itotogi.

Kena iTukutuku

Irina Zinina

Sucu: 1987 (Norilsk, Yasayasa o Krasnoyarsk)

Me baleti koya: E dau culacula

E vulica e liu na iVolatabu kei ira na iVakadinadina i Jiova o Lyudmila na tinai Irina

E uqeti Irina na nodra marautaka na bula o ira era muria na ivakavuvuli vakaivolatabu. Papitaiso ena 2001

E veilewaitaki ena dua tale na kisi o Lyudmila

Ka e Tukuna

E tokoni iko vakacava o Jiova?

Au vakabauta dei ni vakayagataki ira na taciqu vakayalo o Jiova mera vukei au ena gauna au sotava kina na ituvaki dredre. Era masulaki au kei na noqu vuvale era dau vakau itaba mai,vidio kei na so na tikinivolatabu veivakayaloqaqataki. Eso era dau lako sara ga mai ena gauna e tuvanaki kina me rogoci noqu kisi. Au vakavinavinakataka vakalevu na ka kece era cakava. Ena vuku ni nodra veitokoni, au vakila niu sega ni tu taudua. Ena veivuke i Jiova kei ira na mataveitacini au vakadeitaka kina niu na rawa ni vosota na ituvaki dredre kece au sotava.

Eda nuidei ni o Jiova ena vakaukauataki Irina kei ira kece era sasaga tikoga mera vakatotomuri koya ra qai “veilomani tiko ga.”—1 Joni 4:7.

Veitaravi ni Gauna

Feperueri 13, 2022

Caka na vaqaqara ena vale e tiko kina o Irina kei rau na nona itubutubu.
Me 23, 2023

Tekivu vaqaqai. Beitaki ni vakaitavi tiko ena cakacaka ni isoqosoqo e vakavuna na tikoyavavala ni tukuna na nona vakabauta.
Julai 22, 2023

Vakatabui me gole ina dua tale na vanua
Feperueri 8, 2024

Tekivu veilewaitaki

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU