Julai 8, 2024
RUSIA

‘Au Vakila Sara ga Nona Veivakalougatataki o Jiova’

SARAVA/ROGOCA

Ena vakarau tauca na mataveilewai na Vyselkovskiy District Court of the Krasnodar Territory mai Rusia, na lewa me baleti Brother Viktor Spirichev. E se bera ni kerea na dauveibeitaki na kena itotogi.

Kena iTukutuku

Viktor Spirichev

Sucu: 1980 (Samoded,Yasayasa o Arkhangelsk)

Me baleti koya: E cakacaka vakamatai

A lewena tu na mataivalu ni bera ni vulica na iVolatabu kei ira na iVakadinadina i Jiova. E qoroya ni saumi kece na nona taro ena Vosa ni Kalou na iVolatabu.

Papitaiso ena 2002

Rau vakamau kei Larisa ena 2009

Ka e Tukuna

Na cava e vukei iko mo lewai iko vinaka qai lomavakacegu tu ga?

Ni tekivu na veitusaqati au a cudru qai lomaleqa vakalevu. Ia au qai liaca niu nuitaki au tiko ga vakasivia kei na ka au kila. Au sa sega ni ciqoma ni o Jiova e vakalaiva me yaco ya, au sa saga ga meu walia. Dua na tikina bibi au vulica ena Dauvunau 7:16, e kaya: “Mo kua ni yalododonu sivia, se vakaraitaka ni o vuku vakalevu.” Au vakavinavinakataki Jiova ni vukei au meu veisautaka na noqu rai, meu yalomalumalumu tale ga. Gauna qo au sa sega ni vakalaiva me vakamuai au na lomaqu se meu vakadonui au ga, ia au sa raica ga vakabibi na inaki ni noqu qaravi Jiova, ya na noqu lomani koya. Qori e vakavolekati au vua, e vukei au talega meu vosota qai kua ni cudru. Au vakila sara ga na nona veivakalougatataki ena noqu bula.

Eda marau ni rawa nida nuitaka na loloma soli wale i Jiova nida ‘sulumaka tiko ga na yalomalumalumu.’—1 Pita 5:5.

Veitaravi ni Gauna

Feperueri 13, 2022

Era vaqaqara na vakailesilesi ena rauta ni 25 na nodra vale na tacida e Vyselki kei Berezanskaya, wili kina nodrau vale o Viktor kei Larisa
Me 23, 2023

Tekivu na veivaqaqai. Beitaki ni vakaitavi ena isoqosoqo e vakavuna na tikoyavavala. Sogo nona akaude ni baqe
Julai 11, 2023

Vakatarogi vei ira na vakailesilesi
Julai 22, 2023

Vakatarogi ena ikarua ni gauna qai vakatabui me gole ina dua tale na vanua
Janueri 30, 2024

Tekivu veilewaitaki

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU