Ena ika15 ni Feperueri 2021, e vakataulewataka na mataveilewai na Birobidzhan District Court of the Jewish Autonomous Region e Rusia, ni cala nona vakaitavi tiko o Sister Svetlana Monis ena cakacaka e vakatabui na kena isoqosoqo. E totogitaki me sauma e $137 na ilavo ni Merika.

E yaloqaqa qai dei tu ga nona vakabauta o Svetlana. E kaya ena iotioti ni nona vosa ena mataveilewai: “Au via kaya ga ina mataveilewai niu mai tu eke . . . ena vuku ni yaca ni noda Turaga o Jisu Karisito, kei na Tamana na Kalou o Jiova. Qo na ka e kaya na iVolatabu me baleta na tikina qo. Ena 1 Pita 4:14-16: ‘Ke oni vakasewasewani ena yaca i Karisito, moni marau ga, ni sa tiko vata kei kemuni na yalo sa lagilagi, io, na yalo ni Kalou. Ia me kua ni dua vei kemuni e vakararawataki me vaka na daulaba, se daubutako, se daucakacala, se siova na ka e sega ni nona. Ke dua e vakararawataki baleta ni lotu vaKarisito, me kua ni madua, ia me vakalagilagia tiko ga na Kalou ena yaca qo.’”