MAJI 22, 2024
RUSIA

Beitaki ni Cala o BrotherYuriy Yuskov

SARAVA/ROGOCA

Ena ika15 ni Maji 2024, e kaya na mataveilewai na Novocheboksarsk City Court of the Chuvash Republic mai Rusia, ni cala o Brother Yuriy Yuskov e yabaki 85. E vakatatabutaki me lima na yabaki, ena sega ni biu e valeniveivesu ena gauna qo.

Kena iTukutuku

Yuriy Yuskov

Sucu: 1938 (Selivanovskaya, Yasayasa o Rostov)

Me baleti koya: E dau tuki kaukamea

E takali na watina o Lyudmila ena 2019

Na luvei Yuriy tagane e imatai ni iVakadinadina i Jiova ena nodratou vuvale. E mani vulica na iVolatabu o Yuriy, qai taleitaka na ka e vakamacalataka na iVolatabu me baleta na inuinui ni veivakaturi. Papitaiso sara ena 2005

Ka e Tukuna a

E tokoni iko vakacava o Jiova ni o tusaqati?

Au kila ni o Jiova e lomani ira qai tokoni ira tu ga nona dauveiqaravi, qori tale ga na ka e cakava vei au. E sauma noqu masu ni solia vei au na vakacegu ni vakasama niu ciqoma na ka au beitaki kina kei na veika e yaco ena gauna ni veilewai. O turaganilewa mada ga e kauaitaki au. Kena ivakaraitaki, na gauna kece meu saumi taro kina e raica ni vaka me dredre noqu duri, e mani kaya meu dabe tu ga. Ena gauna ni noqu veilewai era dau gole mai e levu na mataveitacini mera mai tokoni au. Eso tale era qiri se volavola mai ra qai kaya: “Kua ni soro Brother Yuriy! O Jiova e tiko vata kei iko. Keimami nanumi iko tale ga ena masu.” Au vakila niu volekati Jiova sara ga, au vakavinavinakataka tale ga nona yalololoma.

Eda qoroya nodra ivakaraitaki ni vakabauta kei na vosota o ira na tacida itabaqase vakataki Yuriy. Eda kila ni o Jiova ena sega vakadua ni laivi ira, ena vakaukauataki ira tiko ga.—⁠Same 71:18, 19.

Veitaravi ni Gauna

Me 4, 2023

Beitaki ni daubasulawa
Me 5, 2023

Caka na vaqaqara e nona vale, qai vakatabui me gole ina dua tale na vanua
Janueri 23, 2024

Tekivu veilewai
Maji 15, 2024

Beitaki ni cala qai vakatatabutaki me lima na yabaki

a E vakatarogi o Brother Yuskov ni bera nona vesu.

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU