28 OKOTOVA, 2021
RUSIA

Beitaki ni Daubasulawa o Sister Yelena Savelyeva

SARAVA/ROGOCA

IROGO VOU | Sega ni Vakadonui Nona Kerekere

Ena ika14 ni Feperueri 2022, e sega ni vakadonuya na mataveilewai na Tomsk Regional Court mai Rusia, nona kerekere o Sister Yelena Savelyeva, e yabaki 80. Ena sega ni biu e valeniveivesu ena gauna qo.

Veitaravi ni Gauna

17 Noveba, 2021

Kaya na mataveilewai na Severskiy City Court of the Tomsk Region mai Rusia, ni cala o Yelena. E vakatatabutaki tale ga me va na yabaki. A vinakata taumada na dauveibeitaki me sauma e rauta ni $7,198 na ilavo ni Merika
22 Julai, 2021

Tekivu rogoci nona kisi ni veilewai
25 Maji, 2021

Tekivutaka na dauveibeitaki na nona vaqaqai. Era beitaki koya ena Article 282.2 ni Lawa ni Basulawa e Rusia, ni saga tiko me uqeti ira eso tale “mera lewena, se vakaitavi ena soqosoqo e vakavuna na tikoyavavala.”

E yavutaki na ka e beitaki kina ena ka rau tukuna e rua na yalewa, e dua e ovisa, dua tale e vakailesilesi ni Russian National Guard. Rau lasutaka ni rau via kila eso tale na ka ena iVolatabu. Rau mani katona lo na nodratou veitalanoa kei Sister Yelena, qai vakauta na kena itukutuku kei na so tale na tacida vei ira na ovisa

Kena iTukutuku

Yelena Savelyeva

Sucu: 1941 (Katka, Republic of Belarus)

Me baleti koya: Susu ena vuvale dravudravua, e vakila tale ga na revurevu ni iKarua ni Valu Levu. Vulica ena univesiti na physics kei na fika. Ni bera ni cegu mai na nona cakacaka, e qasenivuli tu me sivia e 40 na yabaki. Ena 1963, rau vakamau kei Leonid, e dua na saenitisi ena veika vakaniukilia. E rua na luvedrau tagane

Ni se gone, e via kila e levu na ka me baleta na Kalou. E dau taroga wasoma vua na Kalou: “Cava na inaki ni noqu bula? Au na qaravi iko vakacava?” E mani saumi nona taro mai na iVolatabu. Papitaiso me iVakadinadina i Jiova ena 2002

Ka e Tukuna

O vosota vakacava na veivakacacani?

Au kidacala sara ga niu wilika na ka au beitaki kina. E vakayalolailaitaki au, e mosi dina niu beitaki tu niu dua na “daubasulawa.” E rawa ni vakamalumalumutaki keda na ituvaki va qori. Ia meda nanuma tiko: “O koya e vosota me yacova na icavacava ena vakabulai.”—Maciu 10:22.

Era vukei iko vakacava na mataveitacini?

Dau vakalevu mera gole na tacida yalewa ena vanua ni veilewai ni rogoci nona kisi e dua na tacida. Rawa nira gole e 12 ina 18 na mataveitacini mera lai tokona na tacida e veilewaitaki. Qori tale ga na ka era cakava vei au. Era uqeti au, qai vakamacalataka vei au eso na tikinivolatabu. Era kaya meu kua ni rere nira na tokoni au, qai masulaki au. Dua na ka na noqu lomavakacegu niu kila nira masulaki au tale ga vei Jiova me vukei au. E vakayaloqaqataki au vakalevu na ka era cakava.

Dina ni sotava o Sister Yelena na veivakacacani, ia e uqeti keda vakalevu na nona vakaraitaki ni yalodina. Eda nuidei ni o Jiova e mareqeti ira na ‘cuqena na nodra vakabauta e yavutaki ena itukutuku vinaka, ra qai sega ni rerevaka na kedra meca.’—Filipai 1:27, 28.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU