Ena imatai ni Maji, 2019 e bokoca na Mataveilewai Cecere ni Ripabuliki kei Kabardino-Balkaria, e dua na vakatulewa ni mataveilewai e ra ni totogitaki Brother Arkadya Akopyan. Sa sivi qo e dua na yabaki nona veilewai voli mai, e beitaki vakailasu ni veisoliyaka tiko na ivola e uqeta na “tiko yavavala” kei na ‘veicati vakamatalotu.’

Dua na gauna sa oti e totogitaki o Brother Akopyan sa yabaki 70, me cakacaka ena itikotiko. E qai bokoca na Mataveilewai Cecere na vakatulewa qori.

Eda duavata kei Brother Akopyan nida vakavinavinakataki Jiova ena vuku ni vakatulewa bibi qori. Meda nanumi ira tiko mada ga na tacida ena noda masu mera vosota tiko ga ena yalodina.—2 Cesalonaika 1:4.