Ena ika23 ni Me, 2019, ratou sega ni vakadonuya e tolu na turaganilewa ena Oryol Regional Court me rogoci tale nona kisi o Dennis Christensen. E vakatulewataki me sa dei tiko ga na kena itotogi, oya me ono na yabaki e valeniveivesu. Era vakarorogo tale tu ga ena veilewai qori e rauta na le 80 na tacida. Era tiko tale ga kina na vakailesilesi mai Ositerelia kei Denmark. Na macala ni veilewai qori sa volaitukutukutaki oti ena levu na tabana ni vakauitukutuku e vuravura raraba.

Ena tolu na vula sa oti, me tekivu ena gauna a totogitaki kina o Brother Christensen ena Feperueri, e curumi vakatawadodonu e 15 na vale nodra vale na tacida, vakatolutaki tale ga na kisi ni basulawa era beitaki kina ni vakatauvatani kei na tolu na vula yani e liu.

Meda nanumi Brother Christensen tiko ga ena masu, kei ira kece na mataveitacini e Rusia. Eda nuidei ni o Jiova e “voleka vei ira kece na kacivi koya,” ena vakayaloqaqataki ira na tacida mera yalodina tiko ga nira vakacacani.—Same 145:18.