EPERELI 28, 2023
RUSIA

‘E Sega ni Dua na ka e Rawa ni Kauta Laivi Noqu Marau’

SARAVA/ROGOCA

Ena vakarau tauca na lewa na mataveilewai na Kovrovskiy City Court of the Vladimir Region mai Rusia, ena kisi me baleti Brother Roman Adestov. E se bera ni kerea na dauveibeitaki na kena itotogi.

Kena iTukutuku

Roman Adestov

Sucu: 1976 (Kovrov)

Me baleti koya: E dau tuki kaukamea. Ni yabaki 13, sa mate o tamana.

Rau vakamau kei Alina ena 1999. E dua na luvedrau yalewa

E vakadeitaka na yaga ni iVolatabu ni vukei koya vakalevu na kena ivakavuvuli me veisautaka na nona itovo. Papitaiso o Alina me iVakadinadina i Jiova ena 2005, qai papitaiso o Roman ena 2006

Ka e Tukuna

Era vukei iko vakacava na mataveitacini?

E veivakacegui niu kila nira tiko e levu na mataveitacini e veiyasa i vuravura era lomani Jiova me vakataki au ga! E vakayaloqaqataki au tale ga na nodra dau masulaki au mai, e vukei au meu muria tiko ga na sala ina vuravura vou. Keirau muria tale ga vakaveiwatini nona ivakasala e dua na tacida tagane. E kaya nida na vakalomalomani keda ke da sega ni kauaitaki ira eso tale. Keirau mani saga gona neirau vinaka kece me keirau vukei ira eso tale, keirau sega kina ni leqataka na ituvaki dredre keirau sotava. Au vakavinavinakataki Jiova ni rawa niu mai lewena e dua nona vuvale levu.

Cava e vukei iko me donu tiko ga nomu rai ena ituvaki o sotava?

Au sega ni kila na ka ena yaco nimataka, e sega ni rawa gona niu vakarautaki au ena ituvaki kece ena yaco. Ia au nuidei ni na vakadonui au o Jiova, ena vukei au tale ga meu dei. Ena sega tale ga ni dua na ka se tamata e rawa ni kauta laivi na noqu marau keu yalodina tiko ga vua na Kalou dauloloma o Jiova.

Eda nuidei ni o Jiova e nona “Uluvatu tawamudu,” ‘ena maroroi koya’ qai ‘vakacegui koya tiko ga.’—Aisea 26:3, 4.

Veitaravi ni Gauna

June 28, 2021

Tekivu vaqaqai
Julai 8, 2021

Caka na vaqaqara e nona vale, mani vesu
Julai 9, 2021

Vesu tu vakawawa
Noveba 25, 2021

Sere qai vakatatabutaki i vale
June 21, 2022

Laveti nona vakatatabu qai vakatabui me gole ina dua tale na vanua
Seviteba 26, 2022

Tekivu veilewai

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU