Ena ika23 ni Okotova 2020, * ena vakataulewataka na Mataveilewai ni Yasana o Oktyabrsky e Rusia na macala ni veilewai me baleti Brother Anatoliy Tokarev. Ena rawa ni vesu me tolu veimama na yabaki.

Anatoliy Tokarev

• Sucu: 1958 (Baranovskaya, e Kirov)

• Kena italanoa: Susugi vei tinana. Dau bulia na porokaramu ni kompiuta ni bera ni cegu mai nona cakacaka. Taleitaka na veitaba, qito chess, kei na vakatagitaka na accordion. Rau vakamau kei Margarita ena 1979. Rua na luvedrau

• Nona vulica na ka vakasaenisi e vakabauta kina ni sega ni bula tiko na Kalou. Ni yabaki 27, e vulica na iVolatabu kei ira na iVakadinadina i Jiova. E liaca ni sega ni veicalati na ivakavuvuli vaKarisito kei na ka vakasaenisi

Ena ika24 ni Me 2019, era curuma na ovisa na nodratou vale o Brother Tokarev. Ratou vakasaurarataki Brother Tokarev, ratou qai kaya vua ni ratou na sega ni veilewaitaki vakavuvale ke tukuna ni vakaitavi tiko ena cakacaka e vakavuna na “tiko yavavala.” A kau o Brother Tokarev ina siteseni ni ovisa me lai vakatarogi.

Oti e lima na vula, e beitaki o Brother Tokarev ni basulawa ni sega ni muria e rua na lawa e Rusia (Criminal Code of the Russian Federation). E beitaki ni tokona vakailavo na isoqosoqo e vakavuna na “tiko yavavala.” Ratou vakayagataka tale ga na dauveibeitaki na kena katoni lo na veivosaki e caka ena vale nei Brother Tokarev, me ratou beitaki koya kina ni tuvanaka tiko na soqoni e vakayagataki kina na ivola e vakavuna na “tiko yavavala.”

Meda masulaki ratou tiko ga o Brother Tokarev kei na nona vuvale. Eda nuidei ni o Jiova ena “yalodina” tiko ga vei ratou.—Same 18:25.