Ena ika2 ni June 2021, e kaya na Minusinsk City Court of the Krasnoyarsk Territory mai Rusia, ni cala Brother Dmitriy Maslov. E totogitaki me sauma e $6,125 na ilavo ni Merika.

Dmitriy Maslov

• Sucu: 1976 (Minusinsk)

• Me baleti koya: Susugi koya o tinana. E rua na tacina. Vakaivola ena susu oni. E cakacaka vakapalama. Taleitaka na vodo basikeli, nunu kei na vakatagitaka na accordion (dua na mataqali piano)

  Ni se gone e lomatarotarotaka na veika me baleta na bula. E vakacegui koya na kena isau mai na iVolatabu, papitaiso sara ena 1994. Ni kacivi me curu ena mataivalu e sega ni vakadonuya ni sega ni vakatara nona lewaeloma. Ia e kerea me cakava e dua tale na cakacaka. Rau vakamau kei Yuliya ena 1997

Ena yakavi na ika19 ni Epereli 2019, era curuma vakaukaua na sotia, eso na ovisa kei ira na Federal Security Service (FSB) e lima nodratou vale na tacida e Minusinsk. Gauna era vaqaqara tiko kina era biliga i ra e dua na tacida tagane e yabaki 76 e qai mavoa. Era mani vesu ra qai vakatarogi e sivia e 30 na tacida, oti era sa qai sereki. E qai beitaki kina o Dmitriy ni daubasulawa. Era beitaki koya na vakailesilesi ni tuvanaka na taubale ena ulunivanua kei ira nona itokani mera lai veivosakitaka kina na veika vakayalo.

Ni wawa veilewai tiko qo o Dmitriy, e vakatabui gona me gole ina dua tale na vanua. O tinana e sega ni iVakadinadina i Jiova, e kaya ni sega ni dodonu me vesu o luvena ni sega ni beca e dua na lawa. E kaya tale ga ni o luvena e lewena “na lotu e sega ni dau tokona na veicati.”

E lomavakacegu o Dmitriy qai yaloqaqa, ni kila ni o Jiova ena “vakaraitaka na nona kaukaua” vei ira na yalodina vua.—2 Veigauna 16:9.