Ena ika28 ni Okotova 2021, e veisautaka na Mataveilewai Cecere e Rusia na lewa me baleta na cakacaka e vakavuna na tikoyavavala. E tukuni ena lewa e tau qori ke dua na tamata se ilawalawa e vakaitavi tiko ena nona sokalou, ena sega ni okati ni tokona tiko na isoqosoqo lotu e vakatabui. Ia e duidui na sala era raica kina na vakailesilesi na veisau qo, e sega gona ni tarova na nodra vakacacani tiko na iVakadinadina i Jiova e Rusia.

Kena ivakaraitaki, gauna e veisau kina na lewa qo ena ika28 ni Okotova, era vaqaqara na vakailesilesi ena 13 na nodra vale na iVakadinadina i Jiova, e sega ni vakadonui nona kerekere o Sister Irina Lokhvitskaya, ra qai kaya ni cala o Sister Yelena Savelyeva, e yabaki 80. Ia e duidui qori ena lewa e tau ena ika22 ni Noveba 2021, e kaya kina na mataveilewai e Vladivostok ni sega ni cala o Brother Dmitriy Barmakin, qai talaci na nona kisi.

Eda sega ni vakadeitaka ke na vakalailaitaka na veisau e caka qo na nodra vakacacani tiko na tacida, se na qai kaukaua cake tiko ga. Ia se mani cava e yaco, eda nuitaki Jiova ni na vukei ira na tacida mera vosota tiko ga ena marau me yacova na gauna ena vakabulai ira kina.—Same 146:3-5.