E yabaki 52 o Brother Valeriy Moskalenko, ia sa tuvanaka tu na Turaganilewa o Ivan Belykh ena Zheleznodorozhniy District Court of Khabarovsk, na vakatulewa ena ka e beitaki kina. Ena vakayacori qori ena ika2 ni Seviteba, 2019.

E se wawa veilewai tiko o Brother Moskalenko, me tekivu ena gauna e vesu kina ena ika2 ni Okosita, 2018 nira curuma vakaukaua nona vale na ovisa, kei ira na Federal Security Service (FSB). Era vaqaqara e nona vale rauta ni lima na aua, oti ra qai vesuki koya. Sa oti qo e dua na yabaki nona wawa veilewai tiko, e kauaitaki ni na veilewai qai vesu se totogitaki tale ga me bala e valeniveivesu me vakataki Dennis Christensen.

Ena ika18 ni Tiseba , 2018 e veilewaitaki na kisi me baleti Moskalenko v. Russia ena European Court of Human Rights (ECHR). E sivia e 50 na kisi e beitaki kina na matanitu o Rusia, okati kina e 34 na kisi sa vakamacalataki oti ina matanitu o Rusia.

Eda sakitaka dina nodra ‘vosota kei na nodra vakabauta na mataveitacini e Rusia ena veivakacacani kei na veika dredre era sotava tiko.’ Macala ga ni tokoni ira tiko o Jiova, e vakalougatataki ira tale ga. Meda nanumi ira tiko ga ena masu ni na vakayaloqaqataki Brother Moskalenko o Jiova me vosota tiko ena marau, se mani vakatulewa cava ena tau vua.—2 Cesalonaika 1:4.