Ena ika14 ni Feperueri 2024, e kaya na mataveilewai na Promyshlenniy District Court of Smolensk mai Rusia, ni cala o Sister Tatyana Galkevich kei Sister Valentina Vladimirova. Rau na vakatatabutaki e vale me rua na yabaki. Rau na sega ni biu e valeniveivesu ena gauna qo.

1. Me 14, 2019

   Rau tekivu vaqaqai. Era vaqaqara na ovisa ena nodrau vale, rau vesu qai vakatarogi me sivia e 48 na aua. Rau sa tautauvimate, e kaya ga na mataveilewai me rau vesu vakawawa

2. Noveba 22, 2019

   Oti e ono na vula rau sere, rau qai vakatatabutaki i vale

3. Tiseba 13, 2019

   Kau i valenibula o Valentina ni tauvimate bibi

4. Okosita 6, 2020

   Oti e walu na vula e laveti nona vakatatabu o Tatyana, e sega ga ni vakadonui me gole ina dua tale na vanua. E se vakatatabutaki tiko o Valentina, e vakatarai me veivosaki ga kei na dua na wekana voleka, kei na loya

5. Okotova 2, 2020

   Volai na ka rau beitaki kina ena dua na ivola e 400 na tabana. Rau beitaki vei ira na vakailesilesi ni rau “cakava lo tiko na cakacaka e vakavuna na tikoyavavala”

6. Okotova 14, 2020

   Kaya na turaganilewa me kau lesu na nodrau kisi vei ira na dauveivaqaqai ni sega na ivakadinadina matata. E sega ni rawa ni duri o Valentina ena gauna ni veilewai ena vuku ni kena mate, e sega kina ni vakadonuya na mataveilewai me sere mai nona vale

7. Feperueri 25, 2021

   Vakataulewataka na mataveilewai me sa caka ga na veilewai me kua tale ni qai kau na kisi vei ira na dauveivaqaqai

Meda masulaka mada ga ni o Jiova ena ‘vu ni kaukaua kei na isasabai’ vei Valentina, Tatyana, kei ira kece na tacida era vakacacani tiko e Rusia kei Crimea.​—⁠Same 28:⁠7.