OKOTOVA 17, 2022 | IROGO VOU: MAJI 7, 2024
RUSIA
IROGO VOU—BEITAKI NIRA CALA | Veilewaitaki e 13 na Tacida
Ena ika6 ni Maji 2024, e kaya na mataveilewai na Magadan City Court of the Magadan mai Rusia, nira cala eso na tacida o Sergey Agadzhanov, Lyubov Asatryan, Galina Dergacheva, Inna Kardakova, Irina Khvostova, Galina Pechko, Konstantin Petrov, Ivan Puyda, Viktor Revyakin, Mikhail Solntsev, Oksana Solntseva, Sergey Yerkin, kei Yevgeniy Zyablov.
Ratou vakatatabutaki me tolu na yabaki o Sergey Agadzhanov, Lyubov, Galina Dergacheva, Inna, Irina, Galina Pechko, Viktor, Mikhail, kei Oksana. O Yevgeniy e vakatatabutaki me lima na yabaki. Ratou vakatatabutaki me vitu na yabaki o Konstantin, Ivan, kei Sergey Yerkin. E sega ni dua vei ira ena biu e valeniveivesu ena gauna qo.
Veitaravi ni Gauna
Me 30, 2018
Vaqaqai o Ivan, Konstantin, Sergey Yerkin, kei Yevgeniy, qai beitaki ni ratou tuvanaka tiko na cakacaka ni soqosoqo e vakavuna na tikoyavavala
June 1, 2018
Ratou vesu na tacida qori me ratou wawa veilewai
Okosita 3, 2018
Sere o Konstantin, qai vakatatabutaki e vale
Okotova 5, 2018
Sere o Ivan, Sergey Yerkin, kei Yevgeniy ratou qai vakatatabutaki e vale
Maji 20, 2019
Vaqaqai o Sergey Agadzhanov, Galina Dergacheva, Inna, Irina, Lyubov, Mikhail, Oksana, kei Viktor. E vakatabui me ratou gole ena dua tale na vanua
Maji 27, 2019
Laveti nodratou vakatatabutaki e vale o Ivan, Konstantin, Sergey Yerkin, kei Yevgeniy. E vakatabui me ratou gole ena dua tale na vanua
Epereli 1, 2019
Vakatulewataki me ratou veilewaitaki kece na tacida qo
Maji 2, 2021
Vakatabui o Galina Pechko me gole ena dua tale na vanua
Maji 5, 2021
Beitaki o Galina Pechko ni vakaitavi tiko ena cakacaka ni soqosoqo e vakavuna na tikoyavavala. E qai veilewaitaki vata kei ratou na le 12 na tacida
Epereli 25, 2022
Tekivu na veilewai
Kedra iTukutuku
Eda vakayaloqaqataki nida raica nodra yalodina tiko ga na tacida nira ‘vakasewasewani ena yaca i Karisito, qai tiko vata kei ira na yalo ni Kalou.’—1 Pita 4:14.
a Sega ni rawa ni vakatarogi o Brother Sergey Agadzhanov.
Rawa ni o Wilika Tale ga
ITUKUTUKU VOU
Vesu ena Vuku ni Nodra Vakabauta—Rusia
Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.