SEVITEBA 13, 2023 | IROGO VOU: MAJI 12, 2024
RUSIA

IROGO VOU—⁠TOTOGITAKI | “E ka Dokai Niu iVakadinadina i Jiova!!”

SARAVA/ROGOCA

Ena imatai ni Maji 2024, e kaya na mataveilewai na Sovietskiy District Court of the City of Oryol e Rusia ni cala o Sister Tatyana Piskareva. E totogitaki me cakacaka vakaukaua me rua veimama na yabaki. Ena tiko e valeniveivesu qai qarava na cakacaka ena vanua sa lesi vua.

Kena iTukutuku

Tatyana Piskareva

Sucu: 1956 (Belenikhino, Yasayasa o Belgorod)

Me baleti koya: Dua na daunifika

Rau vakamau kei Vladimir ena 1976. Rua na luvedrau

E mai kilai ira na iVakadinadina i Jiova vua e dua rau tiko veitikivi. Qoroya nodra dau yalololoma kei na ka era kila ena iVolatabu. Rau vakamau kei Vladimir ena 1995

Vesu o Vladimir ena ika9 ni Tiseba 2020, qai lai vesu me wawa veilewai ena ika11 ni Tiseba, 2020. E se tiko ga e valeniveivesu ena gauna e volai kina na itukutuku qo

Ka e Tukuna

Tikinivolatabu cava e vukei iko mo vosota na nomu veilewai kei nona vesu o watimu?

E dau vakayaloqaqataki au na Same 139:4, 5, e kaya: “E sega ni bau tu e dua na vosa ena yamequ, ia raica! Kemuni Jiova, oni sa kila vinaka tu. Oni sa wavoliti au mai dakuqu, mai mataqu tale ga, Oni qai tabaki au ena ligamuni.” Ena gauna dredre mada ga au se vakila tiko ga nona veitokoni o Jiova, au nuidei niu na rawa ni vosota na ituvaki dredre kece ena nona veivuke. Au vakila gona na lomavakacegu. Au sa qai doudou ga ni tukuni Jiova vei ira eso tale. E ka dokai niu iVakadinadina i Jiova!

Me vakataki Tatyana, me vakayaloqaqataki keda noda kila nida matataki Jiova, ena tokoni keda tu ga. E ka dokai nida vakatokai meda iVakadinadina i Jiova.—Aisea 44:8.

Veitaravi ni Gauna

Tiseba 9, 2020

E caka na vaqaqara ena nodrau vale o Tatyana kei Vladimir. E vesu o Vladimir
Tiseba 11, 2020

E bala e valeniveivesu o Vladimir me wawa veilewai
Okotova 28, 2021

E tekivu vaqaqai o Tatyana
Epereli 10, 2023

E tekivu veilewaitaki

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU