OKOSITA 23, 2023 | IROGO VOU: JUNE 25, 2024
RUSIA

IROGO VOU—⁠TOTOGITAKI VAKAILAVO | “Au sa Qai Kaukaua Tiko ga Vakayalo”

SARAVA/ROGOCA

Ena ika24 ni June 2024, e kaya na mataveilewai na Lesosibirsk City Court of the Krasnoyarsk Territory mai Rusia, ni cala o Brother Valeriy Schitz. E totogitaki vakailavo me sauma e $6,894 na ilavo ni Merika.

Kena iTukutuku

Valeriy Schitz

Sucu: 1966 (Bolshaya Murta, Yasayasa o Krasnoyarsk)

Me baleti koya: E cakacaka vakamatai

Rau vakamau kei Irina ena 1987. E rua na luvedrau tagane

Rau vulica vakaveiwatini na iVolatabu kei ira na iVakadinadina i Jiova. E qoroya na kena yaco na parofisai vakaivolatabu kei na yaga ni muri na kena ivakasala. Rau papitaiso ena 2008

Ka e Tukuna

Cava o vulica ena nodra vukei iko na mataveitacini?

Nira rogoca na mataveitacini na ka e yaco, era vakaraitaka sara ga na nodra veitokoni. Dua na ka nodra lomasavu ena nodra solia nodra gauna mera vukei keitou. Meu kaya vakadodonu, e sega sara ga ni rawarawa noqu ciqoma nodra veivuke. Ia e marau vakalevu o koya e solia na ka mai vei koya e taura na ka. E dau matau tu ga vei au meu dau vukei ira eso tale. E vinakati gona meu veisautaka noqu rai, qai yalorawarawa ni ciqoma nodra veivuke eso tale. Niu cakava qori, au vakila kina na marau niu raica nodra marau eso tale nira vakatotomuria nodrau ivakaraitaki ni loloma o Jiova kei Jisu.

Cava e uqeti iko mo kua ni soro?

Ena vakatovolei na nodra vakabauta na lotu vaKarisito kece. Rairai ena era na sega ni vesu, ia era tauvimate, caka vei ira na veika tawadodonu se takali na wekadra voleka. E kaya na Jemesa 1:3 ni na ‘vakatubura noqu vosota na vakatovolei ni noqu vakabauta.’ Au dau talaucaka wasoma na lomaqu vei Jiova. Na levu ga ni noqu masu, na dei tale ga ni noqu veiwekani kei koya. E uqeti au vakalevu qai vakaukauataki au tale ga niu kila nira masulaki au tiko na taciqu e veiyasa i vuravura. Ena rawa ni vakamalumalumutaki au vakayago na veitusaqati kei na noqu vakatatabutaki, ia au na yalodina tiko ga vei Jiova. Au sa qai kaukaua tiko ga vakayalo.

E veivakacegui nida kila, se mani veivakatovolei cava eda sotava, ena tokoni keda o Jiova kei ira na mataveitacini.—⁠1 Pita 5:9, 10.

Veitaravi ni Gauna

Noveba 19, 2021

Tekivu na veivaqaqai
Noveba 25, 2021

Caka na vaqaqara ena nona vale qai vakatarogi
Noveba 26, 2021

Vakatabui ena so na ka
Me 18, 2022

Vakatabui me gole ena dua tale na vanua
Epereli 10, 2023

Tekivu veilewaitaki

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU