ME 18, 2022 | IROGO VOU: MAJI 12, 2024
RUSIA

IROGO VOU—⁠VESU DUA NA TACIDA | E Dei tu ga o Inver Siyukhov

SARAVA/ROGOCA

Ena ika7 ni Maji 2024, e kaya na mataveilewai na Maykop City Court of the Republic of Adygeya mai Rusia, ni cala o Brother Inver Siyukhov. E totogitaki tale ga me vesu me ono na yabaki. Sa vesu mai ena Epereli 2021, ena sega tale ga ni sere.

Veitaravi ni Gauna

Epereli 15, 2021

Beitaki ni daubasulawa ni tuvanaka na soqoni ni vakayagataka na internet
Epereli 16, 2021

Era vaqaqara na vakailesilesi ena vale nei Inver, kei na nodratou vale e va tale na tacida. E vakatarogi qai lai vesu tu vakawawa o Inver
Epereli 17, 2021

Biu e valeniveivesu me wawa veilewai
Okosita 15, 2021

Kau ena nodra valeniveivesu na cala bibi, e rauta ni 110 na kilomita na kena yawa mai Maykop
Seviteba 13, 2021

Tekivu veilewaitaki

Kena itukutuku

Inver Siyukhov

Sucu:1974 (Maykop)

Me baleti koya: Vulica na veika vakailavo kei na dikevi ni akaude. Cakacaka ena baqe

E vulica na iVolatabu kei ira na iVakadinadina i Jiova ena 1989, e qoroya tale ga na nodra daudina. Papitaiso ena ika9 ni Seviteba, 1990. E vakamacalataka vei ganena na ka dina e vulica ena iVolatabu, e papitaiso sara ena 1992. O ira na vo ni wekana era sega ni tiko ena dina, vakavo ga o ganena, o Inver kei watina

Ka e Tukuna o Ganena o Sister Zarieta Churda a

Cava e vukei Inver me vosota na gauna e vesu kina?

Na imatai ni gauna au sikovi koya kina e valeniveivesu, au tarogi koya se cava e vakila ni yawaki ira nona itokani, kei na nona vuvale. E matadredredre qai kaya me tekivu mai na gauna e caka kina na vaqaqara e vale, e vakila tu ga na veitokoni i Jiova.

E dei tu ga ena nona ituvatuva vakayalo, qai wilika e veisiga e tolu na wase ena iVolatabu vakaIperiu kei na dua na wase ena iVolatabu vaKirisi. E dau saga tale ga me vukei ira na vo ni kaivesu. Na imatai ni rua na vula e vesu kina e vukea e rua na kaivesu me rau muduka na vakatavako.

Cava o cakava mo vakarautaki iko kina ke drau vesu vakaveiwatini ena dua na gauna mai qo?

Ni bera nira gole na saravanua ena dua tale na vanua, era na cula rawa mera taqomaki kina mai na so na mate. Na noqu “icula” sara ga na tikinivolatabu, noda sere kei na so na irogo veiuqeti. Ni vakatabui noda cakacaka e Rusia ena 2017, au wilika tale ena ivolaniyabaki na kena tomani tiko ga na cakacaka vakavunau ena veivanua e vakatabui kina na noda cakacaka. Dina ni dredre na ituvaki era sotava na tacida, ia e uqeti au na nodra yaloqaqa.

Ke keirau vesu keirau vakadeitaka me keirau kua ni vakalomalomani keirau. Ena via dredre toka, ia keirau na raica na ituvaki qori me dua na ilesilesi talei mai vei Jiova. E vaka ga e kaya tiko vei keirau o Jiova: “Lako mai Masitonia.”—⁠Cakacaka 16:⁠9.

Eda nuidei ni o ira na tacida mai Rusia era na “vakaukauataki tiko ga ena nona cecere na Turaga kei na nona qaqa.”—⁠Efeso 6:⁠10.

a Sega ni rawa ni tauri nona itukutuku o Brother Siyukhov ni se vesu vakawawa tiko ena gauna qo.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU