OKOSITA 18, 2022 | IROGO VOU: TISEBA 19, 2023
RUSIA

IROGO VOU—⁠VESU E RUA NA TACIDA | Nodrau Vakabauti Jiova Rau Sega Kina ni Rere

SARAVA/ROGOCA

Ena ika18 ni Tiseba 2023, e kaya na mataveilewai na Novosibirsk District Court of the Novosibirsk Region mai Rusia, ni cala o Brother Valeriy Maletskov kei Sister Marina Chaplykina. O Valeriy e vesu me ono na yabaki, o Marina e vesu me va na yabaki. Ni tau oti ga na lewa rau sa kau me rau lai vesu.

Veitaravi ni Gauna

2018

Ni bera na vakatatabu, e solia e dua na turaga e vuli iVolatabu e dau tiko tale ga ena soqoni, na kedra itukutuku na tacida vei ira na vakailesilesi ni FSB e Novosibirsk e
19 Epereli, 2019

Vakayagataki na itukutuku qori me caka kina na vaqaqara ena ono nodratou vale na tacida e Novosibirsk. Rau qai vaqaqai o Brother Valeriy kei Sister Marina. Rau qai vesu tu vakawawa
21 Epereli, 2019

Rau sere, qai vakatabui o Valeriy me biuta nona vale. E vakatabui o Marina me gole ina dua tale na vanua
21 Feperueri, 2022

Beitaki o Valeriy ni tuvanaka tiko na cakacaka e vakavuna na tikoyavavala. E beitaki tale ga o Marina Chaplykina ni vakailavotaka qai vakaitavi ena isoqosoqo e vakavuna na tikoyavavala
30 Maji, 2022

Tekivu veilewaitaki

Kedrau iTukutuku

Marina Chaplykina

Sucu: 1971 (Novosibirsk)

Me baleti koya: E cakacaka ena dua na vanua ni caka ulu. E itubutubu le dua, qai dua na luvena

Sotavi ira na iVakadinadina i Jiova nira cakacaka vakavunau yani i nona vale. E raica na yaca ni Kalou ena iVolatabu, qori e uqeti koya me vulica na iVolatabu. Papitaiso ena 2004

Ka e Tukuna

E yaga vakacava nomu muria na veidusimaki vakalou?

Nira tusaqati na tacida vei ira na vakailesilesi, au kila ni bibi meu kauaitaka qai talairawarawa ena nodra veidusimaki na qase ni ivavakoso. Nira vesu na tacida qai caka na vaqaqara i nodra vale, au saga meu kila na ka e caka vei ira, na iyaya era kauta na ovisa, kei na ka era cakava ena ituvaki qori. Qori e vukei au meu vakarautaki au rawa tu ni bera ni caka na vaqaqara e vale.

E vakaukauataki iko vakacava na masu?

Gauna au vesu kina, na imatai ga ni ka au vakasamataka mai na nona ivakaraitaki o Niemaia. Au masu vakalekaleka vei Jiova, qai kerea me solia vei au na vakacegu. Qori sara ga na ka au vakila nira kauti au i vale mera lai vaqaqara. Au vakasamataka o ira na ovisa era cakava tiko ga nodra cakacaka. Sega ni dede, e yaco mai o luvequ yalewa o Nataliya. Era kurabui na ovisa nira raica ni sega ni rere. E tarogi luvequ e dua vei ratou na ovisa na vuna e sega ni rere kina, e sauma tale e dua vei ratou: “Rau sa namaki kedatou tiko.” E sauma sara ga o Jiova na noqu masu. Era raica na ovisa ni keirau lomavakacegu.

Valeriy Maletskov

Sucu: 1974 (Novosibirsk)

Me baleti koya: A cakacaka vakamatai, e dausasamaki tale ga

E qoroya na sala era vakamacalataka kina nodra vakabauta na iVakadinadina i Jiova nira vakayagataka na iVolatabu. Papitaiso ena 1994

Rau vakamau kei Marina ena 2004. E dua na luvedrau tagane

Ka e Tukuna

Cava e vukei kemudou vakavuvale mo dou kua ni rere?

Ni keitou rogoca nodra vesu na tacida, keitou dau biuti keitou sara ga ena kedra ituvaki. Keitou vakasamataka na ka era leqataka, kei na ka era vakasamataka. Niu masu taudua se keitou masu vakavuvale, au dau kerei Jiova me vakayaloqaqataki keitou me keitou kua ni rerevaka na veitusaqati. Keitou vulica ena nodra ivakaraitaki na tacida era tusaqati, ya e dua na gauna vinaka meda vakadinadinataki Jiova kina.

Au sa qai volekati Jiova ga ena gauna au tusaqati kina, au raici ira tale ga na dauveitusaqati ena rai i Jiova. Dina nira veitusaqati tiko, ia e dodonu mera rogoca na ka dina. Dua na sala au na wasea kina qori vei ira, ya ena noqu ivakaraitaki.

Na nodra yalodina tiko ga na tacida nira tusaqati e vakaraitaka na nona veivakalougatataki, kei na nona veitaqomaki o Jiova.—1 Joni 5:4.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU