OKOSITA 25, 2023 | IROGO VOU: EPERELI 4, 2024
RUSIA

IROGO VOU—BEITAKI NI CALA | “Vakamarautaki Au Vakalevu Noqu Veivolekati kei Jiova”

SARAVA/ROGOCA

Ena ika3 ni Epereli 2024, e kaya na mataveilewai na Goryacheklyuchevskoy City Court of the Krasnodar Territory mai Rusia, ni cala o Brother Pavel Sidorenko. Ena vakatatabutaki tale ga me tolu na yabaki. Ena sega ni biu e valeniveivesu ena gauna qo.

Kena iTukutuku

Pavel Sidorenko

Sucu: 1958 (Krymsk, Yasayasa o Krasnodar)

Me baleti koya: E dua na idinia

Rau vakamau kei Marina ena 1981. E dua na luvedrau yalewa

E mai kilai ira na iVakadinadina i Jiova nira sauma na nona taro ena iVolatabu. Rau papitaiso vakaveiwatini ena 1991

Ka e Tukuna

Na tikinivolatabu cava e vakaukauataki iko ena gauna dredre qo?

Au taleitaka na Roma 8:38, 39, e kaya: “E dei tu na lomaqu ni na sega ni rawata na mate, na bula, na agilosi, na veimatanitu, na veika era tu nikua se veika ena yaco mai, na kaukaua cava ga, se dua na ka mai cake se ka e ra, se dua tale na kabuli, me tawasei keda mai na loloma ni Kalou.” Au vakadeitaka ena tikinivolatabu qori ni o Jiova e lomani au tu ga. E kila vinaka tale ga na dredre au sotava kei na ivakarau ni lomaqu. E vakamarautaki au vakalevu noqu veivolekati kei Jiova.

Me vakataki Pavel, eda kila ni noda sasaga meda muria tiko ga na “sala ni bula” ena vakamarautaki keda vakalevu.—Same 16:11.

Veitaravi ni Gauna

Janueri 26, 2022

Tekivu na veivaqaqai
Janueri 28, 2022

Caka na vaqaqara e nona vale. Vakatarogi qai yalani na vanua me lako kina
Maji 22, 2023

Tekivu veilewaitaki

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU