EPERELI 23, 2024 | IROGO VOU: OKOTOVA 25, 2024
RUSIA

IROGO VOU—BEITAKI NI RAU CALA | Marautaki na Qaravi Jiova

SARAVA/ROGOCA

Ena ika25 ni Okotova 2024, e kaya na mataveilewai na Pervomayskiy District Court of Izhevsk in the Udmurtian Republic mai Rusia, ni cala o Brother Yevgeniy Stefanidin kei Brother Aleksandr Votyakov. E vakatatabutaki o Yevgeniy me ono na yabaki, o Aleksandr e vakatatabutaki me ono veimama na yabaki. Rau na sega ni biu e valeniveivesu ena gauna qo.

Kedrau iTukutuku

Yevgeniy Stefanidin

Sucu: 1989 (Izhevsk)

Me baleti koya: E cakacaka ena tabana ni volitaki qele kei na vale

E susu o Yevgeniy ena vuvale iVakadinadina i Jiova. Ni yabaki tini, sa takali o nona bu. E vakavolekati koya vei Jiova na inuinui ni veivakaturi. Papitaiso ena 2006

Rau vakamau kei Marina ena 2011. E dua na luvedrau yalewa

Ena 2022, e kilai ni tauvi Yevgeniy tiko na kenisa

Ka e Tukuna

Cava e vukei iko me donu tiko ga nomu rai ni o tusaqati?

Au marau vakalevu niu vakasamataka na levu ni veivakalougatataki au sotava. Au dau vakasamataka tale ga ni o Jiova e vakatara na veitusaqati, ia e sega ni vakavuna. Sa voleka na gauna me vakadodonutaka na veika e vakayacori vei ira na nona dauveiqaravi yalodina. E bibi meu kabiti Jiova tiko ga kei ira na mataveitacini. E kaya vei au e dua na tacida yalewa: “E veivakayaloqaqataki nomu matadredredre. E vakanuideitaki au niu raica ni donu tiko ga nomu rai ena ituvaki o sotava, au sega tale ga kina ni rere.” Au vakavinavinakataka niu mai lewe ni vuvale i Jiova.

Aleksandr Votyakov

Sucu: 1973 (Izhevsk)

Me baleti koya: E cakacaka vakamatai

Rau vakamau kei Liliya ena 1995

E kurabuitaka na veiveisau e cakava o watina ena gauna e iVakadinadina i Jiova kina. Papitaiso o Aleksandr ena 2006

Ka e Tukuna

Na cava o vulica ena ituvaki o sotava?

Au vulica na bibi ni nuitaki Jiova, meu kua tale ga ni vakatitiqataka na nona tokoni au. E rauta ni ono na vula noqu vakatatabutaki e vale, au sega tale ga ni cakacaka. Ena gauna vata qori e tauvimate bibi o watiqu. Ia keirau vakila sara ga nona veivuke o Jiova. Era vukei keirau na mataveitacini, era vakarautaka tale ga na ka keirau gadreva. Era qoroya na wekai keirau era sega ni iVakadinadina i Jiova na nodra tokoni keirau na mataveitacini. Au marautaka vakalevu niu dua nona dauveiqaravi nei Jiova, niu kila ni na vukei au tu ga o koya.

Me vakataki Aleksandr kei Yevgeniy, e ka dokai dina “meda doudou ena noda veiqaravi tabu” vei Jiova ena veisiga kece ni noda bula.—Luke 1:74, 75.

Veitaravi ni Gauna

Epereli 14, 2021

Caka na vaqaqara ena vale nei Yevgeniy
Tiseba 13, 2022

Beitaki ni rau daubasulawa o Aleksandr kei Yevgeniy
Tiseba 14, 2022

Era vaqaqara na vakailesilesi ena nodrau vale o Aleksandr kei Yevgeniy. E vesu vakawawa o Aleksandr, qai vakatabui me gole ina dua tale na vanua o Yevgeniy
Tiseba 15, 2022

Sere mai o Aleksandr qai vakatatabutaki e vale
June 9, 2023

Laveti nona vakatatabutaki i vale o Aleksandr, ia e vakatabui me gole ina dua tale na vanua
Okosita 17, 2023

Tekivu veilewaitaki

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU