JANUERI 27, 2020 | IROGO VOU: FEPERUERI 9, 2024
RUSIA
IROGO VOU—SEGA NI VAKADONUI NA KEREKERE | Vakataulewataki ni Ratou Cala na Tacida
Ena ika8 ni Feperueri 2024, e sega ni vakadonuya na mataveilewai na Sverdlovsk Regional Court e Rusia, na nodrau kerekere o Brother Aleksandr Prianikov kei Sister Venera Dulova. Rau na sega ni biu e valeniveivesu ena gauna qo, ia rau sa na vakatatabutaki. E talaci nona kisi o Sister Darya Dulova baleta ni se bera ni yabaki 18 ena gauna a beitaki kina, sa vakayacori makawa tale ga na ka a beitaki kina qori.
Ena ika14 ni Maji 2023, e vakataulewataka na Mataveilewai Cecere e Rusia me talaci na nodratou kisi o Brother Aleksandr Prianikov, o Sister Venera kei Sister Darya Dulova. Ena rogoci tale na nodratou kisi ni veilewai.
Ena 15 ni Maji 2022, e bokoca na mataveilewai na Sverdlovsk Regional Court e Rusia na lewa ni ratou cala o Aleksandr, Venera kei na luvena yalewa o Darya. Ia ratou na rawa ni totogitaki ena dua tale na kisi ni veilewai.
Ena ika27 ni Janueri 2020, e kaya na mataveilewai na Karpinsk City Court ni ratou cala o Aleksandr, Venera kei Darya. E vakatatabutaki o Aleksandr me rua veimama na yabaki, o Venera me rua na yabaki kei Darya me dua na yabaki. Ratou na sega ni curu e valeniveivesu ia ratou na vakatatabutaki tiko. Ratou kerea me rogoci tale na nodratou kisi.