ME 6, 2024 | IROGO VOU: JULAI 11, 2024
RUSIA

IROGO VOU—VESU | “Kila Vinaka tu o Jiova na ka e Cakava”

SARAVA/ROGOCA

Ena ika10 ni Julai 2024, e kaya na mataveilewai na Khorolskiy District Court of the Primorye Territory mai Rusia, ni cala o Brother Boris Andreyev, Brother Anatoliy Li, kei Sister Nataliya Sharapova. Ena vesu me ono na yabaki o Boris, o Anatoliy ena vesu me ono veimama na yabaki, o Nataliya ena vesu me tolu na yabaki. Ni tau oti na itotogi ratou sa kau me ratou lai vesu.

Kedratou iTukutuku

Boris Andreyev

Sucu: 1951 (Monastyrishche, Primorye Territory)

Me baleti koya: E cakacaka ena tabana ni veivuke

Na gauna e saumi kina vakadodonu nona taro ena iVolatabu e vakadeitaka sara ga ni sa kunea na ka dina. Papitaiso me iVakadinadina i Jiova ena 2004

Rau vakamau kei Aleksandra ena 2020

Ka e Tukuna o Watina o Aleksandra a

E vukei iko vakacava o watimu mo vosota na ituvaki dredre qo?

Au vakasamataka sara na siga e vesu kina o Boris. Dua na ka noqu rarawa, au tagi sara ga. Au vola vei Boris na ka au sotava kei na ka au vakila. E volavola mai qai tukuna eso na vosa veivakacegui, e kaya ni vakila tale ga na ka au sotava tiko. Ia e tarai au sara ga nona vakananuma tale mai na sala e vukei keirau kina o Jiova me keirau vosota na veika dredre ena gauna sa oti. Qori sara ga na ka au vinakata, au vakadeitaka kina ni o Jiova ena sega ni biuti keirau.

Me vaka ga nona rogoca o Jiova nodratou masu na tacida qori, eda nuidei tale ga ni na rogoca o Jiova na noda masu ena gauna ni leqa, qai solia vei keda na kaukaua meda vosota.—Same 20:1.

Veitaravi ni Gauna

Julai 28, 2022

Ratou tekivu vaqaqai
Okotova 6, 2022

Caka na vaqaqara ena 12 na nodra vale na tacida e Yaroslavsky. Rau vesu vakawawa o Boris kei Nataliya
Okotova 7, 2022

Vesu e valeniveivesu o Boris kei Nataliya
Okotova 12, 2022

Vesu tu vakawawa o Anatoliy
Okotova 13, 2022

Vesu e valeniveivesu o Anatoliy
Okotova 5, 2023

Ratou tekivu veilewaitaki

a b c Ratou sa vesu tiko o Brother Andreyev, Brother Li, kei Sister Sharapova ena gauna e vakarautaki kina na ulutaga qo. E sega kina ni rawa ni ratou vakatarogi.

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU