Ena ika8 ni Epereli 2022, e veisautaka na lewa a tau e liu na mataveilewai na Primorye Territory Court, ya me talaci na nona kisi o Brother Dmitriy Barmakin. Ena veilewaitaki tale.

1. Ena ika22 ni Noveba 2021, e kaya na mataveilewai na Pervorechenskiy District Court of Vladivostok in the Primorye Territory mai Rusia, ni sega ni cala o Dmitriy, qai talaci na nona kisi. Qo e imatai ni gauna me vakataulewataka kina va qori e dua na mataveilewai e Rusia vua na tacida tagane qo, me vaka e yavutaki ena lawa na Article 282.2(1) of Russia’s Criminal Code (na tuvanaki ni cakacaka ni isoqosoqo e vakavuna na tikoyavavala). E vakataulewataka na mataveilewai me kua ni vakatatabutaki tale tiko ena dua na ka o Brother Barmakin. Ke ratou sega ni kerea na dauveibeitaki me rogoci tale na kisi, sa na vakayacori sara ga na lewa qori ena ika3 ni Tiseba 2021

2. Epereli 20, 2021

   Tomani tiko nona veilewai

3. Tiseba 18, 2020

   Kau lesu na nona kisi vei ratou na dauveibeitaki ni lailai na kena ivakadinadina. E sega ni veisau na veika e vakatatabutaki kina

4. Okotova 18, 2019

   Sere ni oti e 447 na siga nona vesu, ia e se levu na ka e vakatatabutaki tiko kina. E vakabalavutaki vakatini nona vesu me wawa veilewai

5. Julai 28, 2018

   Ena vitu na kaloko ena mataka lailai, era curuma vakaukaua na ovisa era vakaiyaragi qai vakamatavulo na vale rau tiko kina o Dmitriy and Yelena. Rau lai qarava tiko ena vale qori na bubu nei Yelena e yabaki 90. Rau mani vakalesui tale ina nodrau itikotiko ena siti o Vladivostok. E 177 na kilomita na kena yawa. E mani vesu o Dmitriy qai wawa veilewai tu

6. Julai 27, 2018

   Tekivu vaqaqai o Brother Dmitriy Barmakin

7. Okotova 2017

   Lasutaka e dua na marama e cakacaka tiko ena Federal Security Service (FSB) ni via vulica na iVolatabu. E katona lo na nona veitalanoa kei ira na mataveitacini

Dina ni rau sega ni sota tu o Dmitriy kei Yelena, ia e veivakayaloqaqataki ni rau vakaraitaka ni nodrau “koro kaukaua na marau e solia o Jiova.”​—Niemaia 8:10.