JANUERI 4, 2023 | IROGO VOU: NOVEBA 17, 2023
RUSIA

IROGO VOU—BEITAKI NI CALA | E Vinakata me Vukei Ira Eso Tale

SARAVA/ROGOCA

Ena ika15 ni Noveba 2023, e kaya na mataveilewai na Kuznetskiy District Court of Novokuznetsk mai Rusia, ni cala o Sister Tatyana Sushilnikova. Ena vakatatabutaki tale ga me va na yabaki. Ena sega ni biu e valeniveivesu ena gauna qo.

Kena iTukutuku

Tatyana Sushilnikova

Sucu: 1959 (Korkino, Yasayasa o Chelyabinsk)

Me baleti koya: E cakacaka vakaidinia, qai supavaisa ena dua na kabani. Rau vakamau kei Sergey ena 1979. E rua na luvedrau yalewa

E mai kilai ira na iVakadinadina i Jiova vua e dua na wekana. Rau vulica vata vakaveiwatini na iVolatabu. E uqeti rau vakalevu na nodra veilomani na mataveitacini. Rau papitaiso vakaveiwatini ena 1996

Ka e Tukuna

E uqeti iko vakacava nodra ivakaraitaki eso tale?

E yaga vakalevu noqu dau wilika eso na kedra italanoa na tacida era vesu ra qai veilewaitaki. Qori e vukei au ena ka meu namaka keu vesu, meu kua kina ni taqaya se rere. E uqeti au tale ga na nodra ivakaraitaki na tacida era biu e valeniveivesu. Dina nira sotava na ituvaki e veivakayalolailaitaki, ia era vola ivola tiko ga vei ira na tacida era sega ni vesu.

E dau uqeti au tale ga nona ivakaraitaki na watiqu o Sergey. Gauna e veilewaitaki kina e yalodina tu ga vei Jiova. E sega ni leqataka na ka ena rairai yaco. E dau saga me vakasamataki ira na mataveitacini kei na sala me vakayaloqaqataki ira kina. Au vinakata tale ga meu vukei ira eso tale ena sala cava ga. Na noqu ogaoga tiko ga, au vukei ira kina eso tale qai sega ni leqataka na kequ ituvaki.

Me vakataki Tatyana, eda vakayaloqaqataki ena nodra ivakaraitaki na “ivakadinadina era vaka na o” era vosota na veitusaqati ena veivuke i Jiova.—Iperiu 12:1.

Veitaravi ni Gauna

June 8, 2021

Era curuma vakaukaua na ovisa (FSB) e tolu nodratou vale na tacida e Novokuznetsk. Rau mani vakatarogi me tolu na aua o Tatyana kei watina o Sergey
June 20, 2022

Tekivu na veivaqaqai. Beitaki ni veitalanoataka na ka ni lotu vei ira eso tale, e vakaitavi tale ga ena soqoni
Julai 22, 2022

Beitaki ni cala
Seviteba 27, 2022

Tekivu veilewaitaki. Vakalesuya na turaganilewa na kisi vei ratou na dauveibeitaki ni sega ni muri eso na idusidusi
Noveba 16, 2022

Veilewaitaki tale

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU