ME 6, 2022| IROGO VOU: FEPERUERI 21, 2023
RUSIA

IROGO VOU—BEITAKI NI CALA | Nuitaki Jiova o Tatyana Obizhestvit

SARAVA/ROGOCA

Ena ika20 ni Feperueri 2023, e kaya na mataveilewai na Vakhitovskiy District Court of Kazan of the Republic of Tatarstan mai Rusia, ni cala o Sister Tatyana Obizhestvit. E vakatatabutaki me rua na yabaki. Ena sega ni biu e valeniveivesu ena gauna qo.

Veitaravi ni Gauna

Janueri 19, 2020

Era vaqaqara na vakailesilesi ena vale nei Tatyana, kei na so nodra vale na tacida e Kazan. E vakatarogi o Tatyana qai vesu tu vakawawa
Janueri 21, 2020

Sere qai vakatatabutaki i vale
Me 25, 2021

Tekivu veilewaitaki

Kena iTukutuku

Tatyana Obizhestvit

Sucu: 1962 (Kazan)

Me baleti koya: Tauri vola mai na koronivuli ni vuli vasaqa. Dau vasaqa tu ena dua na koronivuli, oti e nasi sara

Vulica na iVolatabu kei ira na iVakadinadina i Jiova, e marautaka tale ga ni kila ni rawa ni bula tawamudu. Dina ni tusaqati vei ratou nona vuvale, ia e papitaiso ena 1995. E rua na luvena yalewa. E takali o watina ena 2010

Ka e Tukuna

Cava e vukei iko mo kua ni yalolailai ena gauna o vakatatabutaki kina?

Dua na ka noqu masu wasoma vei Jiova, qai kerei koya me vakaukauataki au meu vosota . . . Au vakila niu galili ena gauna au vakatatabutaki kina i vale. E sega ni vakatarai meu vakayagataka na talevoni, kompiuta se dua tale na ka meu veitaratara kina kei dua ena ivavakoso, se veimaliwai mada ga. Ni se qai tekivu a via dredre toka vei au, au yalolailai tale ga. Ia au saga meu kua ni vakasamataka vakalevu na kequ ituvaki. Noqu kila na vuna au sotava kina qori, e vakaraitaka niu lomani Jiova vakalevu, au via vakamarautaki koya tale ga. Qori e vukei au meu kua ni vakasamataka vakalevu na ituvaki au sotava tiko.

E uqeti keda dina nona vakaraitaki ni nuitaki Jiova o Tatyana. E vosota tiko ga, qai sega ni vakararavi ena nona yalomatua.—Vosa Vakaibalebale 3:5.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU