JUNE 20, 2023 | IROGO VOU: OKOSITA 23, 2023
RUSIA

IROGO VOU—BEITAKI NI CALA | “Rawa Tale ga Niu Yalodina Vei Jiova”

SARAVA/ROGOCA

Ena ika22 ni Okosita 2023, e kaya na mataveilewai na Oktyabrskiy District Court of Novosibirsk mai Rusia, ni cala o Sister Tatyana Oleynik. Ena vakatatabutaki me va na yabaki. Ena sega ni biu e valeniveivesu ena gauna qo.

Kena iTukutuku

Tatyana Oleynik

Sucu: 1952 (Khrushchevo, Yasayasa o Tula)

Me baleti koya: Takali o tinana ni se qai yabaki lima o Tatyana. E dau draivataka na misini ni usaiyaya lelevu. E dua na luvena tagane, dua tale ga na yalewa

Papitaiso me iVakadinadina i Jiova ena 2001

Ka e Tukuna

Na itovo cava e yaga vakalevu vei iko ena gauna dredre qo?

Na yalomalumalumu e vukei au vakalevu meu vosota na ituvaki dredre. I liu, au dau vinakata me yaco ga na lomaqu. Ia niu raica na yaga ni noqu muria voleka na veidusimaki, qori e uqeti au meu talairawarawa tiko ga.

E uqeti iko vakacava nodra ivakaraitaki na tacida era vosota tiko na veivakacacani?

Niu wilika se rogoca na veika e yacovi ira na tacida, au nuidei niu sega ni sotava duadua tiko na veivakacacani. Ke sa rawa vei ira mera vosota, e rawa tale ga niu yalodina vei Jiova. Au kilai Brother Aleksandr Seredkin kei watina. E bala tu qo e valeniveivesu qai totogitaki me ono na yabaki. E vakayaloqaqataki au na nodrau ivakaraitaki au vakadinadinataka kina ni dau tokoni keda o Jiova ena levu na sala. E dina kina na ka e tukuna na Iperiu 13:5, 6: “Ni a kaya: ‘Au na sega sara ni laivi iko, au na sega tale ga ni biuti iko.” O koya gona, meda yaloqaqa da qai kaya: “E dau vukei au o Jiova, au na sega ni rere.’”

Eda nuidei ni o Jiova ena vakalougatataki Tatyana kei ira na ‘vakarau tu mera talairawarawa’ ena ka kece.—Jemesa 3:17.

Veitaravi ni Gauna

Epereli 19, 2019

Caka na vaqaqara e nona vale
Noveba 18, 2021

Tekivu vaqaqai
Janueri 26, 2023

Tekivu veilewaitaki

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU