Ena ika5 ni Tiseba 2023, e kaya na mataveilewai na Surgut City Court of the Khanty-Mansi Autonomous Area—Yugra mai Rusia, nira cala e le 17 na tacida. E okati kina o Brother Vyacheslav Boronos, Brother Saveliy Gargalyk, Brother Yevgeniy Kayryak, Brother Artem Kim, Brother Sergey Loginov, Brother Aleksey Plekhov, kei Brother Sergey Volosnikov. Era vakatatabutaki na le 17 na tacida mai na ono ina vitu na yabaki qai tolu na vula. Na tacida yalewa e vakatatabutaki me tolu na yabaki, tolu na vula. Era na sega ni biu e valeniveivesu ena gauna qo.

1. Feperueri 15, 2019

   Era vaqaqara na ovisa ena levu nodra vale na tacida e Surgut, kei na so tale na siti voleka. Ratou mani vesu e tolu na tacida, wili kina o Sergey Loginov. Dua tale vei ratou e vakaroti me rairai ena valenibula ni mate ni vakasama. Ratou mokulaki e vitu na tacida ratou sa cavuti oti mai, ni ratou sega ni via tukuna na ka me baleti ira na vo ni tacida

2. Feperueri 26, 2019

   Vakarota na Mataveilewai ni Dodonu ni Lewenivanua e Urope (ECHR) ina matanitu o Rusia, me sere o Sergey Loginov me rawa ni qaravi vakavuniwai

3. Epereli 11, 2019

   Sere mai o Sergey Loginov

4. Okotova 29, 2021

   Tekivu veilewaitaki

Era sotava na tacida na veitusaqati, ia eda nuidei ni na rogoca o Jiova na nodra masu qai sauma ena kena gauna totolo.—Same 69:17.