7 JANUERI, 2022
RUSIA

IROGO VOU | Dei na Nodratou Vakabauta e Tolu na Tacida

SARAVA/ROGOCA

Ena ika13 ni Epereli 2022, e sega ni vakadonuya na mataveilewai na Supreme Court of the Chuvash Republic mai Rusia, na nodratou kerekere o Brother Vladimir Chesnokov, Brother Vladimir Dutkin, kei Brother Valeriy Yakovlev. Ena vinakati me ratou sauma vakailavo na kedratou totogi.

Ena ika10 ni Feperueri 2022, e kaya na mataveilewai na Kalininskiy District Court of Cheboksary, ni cala o Brother Chesnokov, Brother Dutkin, kei Brother Yakovlev. E totogitaki o Brother Dutkin me sauma e $6,715 na ilavo ni Merika. O Brother Chesnokov kei Brother Yakovlev rau na sauma yadua e $5,372 na ilavo ni Merika. Ratou na sega ni biu e valeniveivesu ena gauna qo.

Veitaravi ni Gauna

7 June, 2021

Rau okati o Vladimir Chesnokov kei Valeriy Yakovlev, ena kisi ni veilewai nei Vladimir Dutkin
30 Tiseba, 2020

Beitaki ni daubasulawa o Vladimir Dutkin, qai vakatabui me gole ena dua tale na vanua
25 Noveba, 2020

Tekivu vaqaqai vei ira na vakailesilesi o Vladimir Dutkin, qai caka na vaqaqara e nona vale. Oti e kau me lai vakatarogi

Kedratou iTukutuku

Vladimir Chesnokov

Sucu: 1959 (Bakhmutovo, Chuvash Republic)

Me baleti koya: Tauri vola ena koronivuli ni mataivalu me iliuliu ni mataivalu. E tolu na luvedrau tagane kei na watina o Nina

Ni veiqaravi ena mataivalu, e rogoca na ka e yalataka na iVolatabu nida na ‘tukitukia na noda seleiwau me batinisiviyara, kei na noda moto me isele ni sasamaki.’ (Aisea 2:4) E cegu mai na mataivalu, qai papitaiso ena 1993

Ka e Tukuna

Era tokoni iko vakacava na mataveitacini?

Levu na sala era vukei keitou kina vakavuvale. . . . Era tarogi au se sala cava era rawa ni veivuke kina vakailavo ke mani vakatabui me keirau vakayagataka na neirau ilavo ena baqe. E sega ni tiko ena dina o watiqu, ia e uqeti koya vakalevu na veika era cakava qori na mataveitacini. E raica tale ga na sala e yaga kina vei keda noda muria na ivakavuvuli vakaivolatabu. Gauna qo, sa sega ni dau cati keda, e sega tale ga ni tusaqata noqu sokalou.

Vladimir Dutkin

Sucu: 1963 (Novoaltaysk, Yasayasa o Altai)

Me baleti koya: Ni se gone, e dau taleitaka na qito me vaka na volleyball, soka kei na hockey. E cakacaka ena tabana ni inisua

E vaqaqacotaka na nona vakabauti Jiova ni vulica na parofisai vakaivolatabu, kei na kena vakayacori. Papitaiso sara ena 2002

Ka e Tukuna

Cava e vakaukauataki iko ena gauna dredre qo?

Ni caka na vaqaqara e vale, au masulaka me soli vei au na vuku meu marau tale ga. Au dau vakasamataka vakabibi na sala ena lagiti kina na yaca i Jiova ena noqu itovo vinaka. . . . Qori e dau vakayaloqaqataki au vakalevu.

[Au marautaka tale ga] niu vakamacalataka vei ira na tacida na sala au vakalougatataki tiko kina ena gauna qo. Au raica ni qori e vaqaqacotaka dina na nodra vakabauta . . . Eso mada ga era kaya ni uqeti ira na noqu ivakaraitaki mera kua ni rere.

Ratou vosota na tacida qo na ituvaki dredre ni ratou wilika, qai vakasamataka vakatitobu na Vosa ni Kalou na iVolatabu. Ratou vakila tale ga ni o Jiova e nodratou “ivakaruru ena siga ni leqa.”—Same 27:5.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU