18 NOVEBA, 2021
RUSIA

IROGO VOU | Dei tu ga o Brother Ledyaykin ena Nona Veitokani kei Jiova kei Ira na Mataveitacini

SARAVA/ROGOCA

Ena ika26 ni Epereli 2022, e beitaki ni cala o Brother Andrey Ledyaykin ena mataveilewai na Seversk City Court of the Tomsk Region mai Rusia. E totogitaki tale ga me vesu me 26 na vula e valeniveivesu. Ni tau oti ga na kena itotogi sa kau sara me lai vesu.

Veitaravi ni Gauna

12 Julai, 2021

Tekivu veilewaitaki
30 Maji, 2021

Beitaki ni vakaitavi tiko ena isoqosoqo e vakavuna na tikoyavavala
29 Maji, 2021

Vakatabui me gole ena dua tale na vanua
25 Maji, 2021

Beitaki ni daubasulawa, mani sake mai na nona cakacaka
14 Julai, 2020

Era vesuki Andrey na Federal Security Service (FSB) kei na rua tale na ovisa ena vanua ni nona cakacaka. Oti era sa qai vaqaqara ena nona vale me 12 na aua
Maji-Epereli 2020

Lasutaka e dua na vakailesilesi ni FSB ni via vulica na iVolatabu, e qai katona lo nona veivosaki kei Andrey kei na so tale na mataveitacini

Kena iTukutuku

Andrey Ledyaykin

Sucu: 1988 (Seversk, Yasayasa o Tomsk)

Me baleti koya: E daunifika. E taleitaka na vakasisisi ena waicevata, sisili, kei na taubale me sarava na veika bula

Ni takali o tukana, e lomatarotarotaka na veika me baleta na mate, Kalou, kei na veigauna se bera mai. A sega ni via gole ena soqoni ni sureti koya e dua nona itokani, ia dua na ka nona qoroya nodra veikauaitaki na mataveitacini. Papitaiso sara ena 2013. O koya ga ena nona vuvale e tiko ena dina ena gauna qo

Ka e Tukuna

E vakayaloqaqataki iko vakacava nomu veitokani kei Jiova?

E sega vakadua ni biuti au o Jiova ena gauna taucoko qo . . . Na vica vata na yabaki noqu qaravi Jiova tiko mai, qo e dua na gauna au vakila vakalevu kina na nona veivuke kei na nona veitokoni ni vakatauvatani ena veigauna sa oti. E kila niu vakacacani tiko qo ena vuku ni yacana, ena sega tale ga ni biuti ira era yalodina vua. O Jiova na itokani vinaka duadua!

E vakayaloqaqataki iko vakacava nomu veitokani kei ira na mataveitacini?

Eso na gauna au sega ni kila na ka meu tukuna, au sega tale ga ni vakamacalataka rawa na levu ni noqu vakavinavinakataka nodra lomani au na mataveitacini. Au vakadinadinataka kina ni rarawa au vakila tiko qo, era vakila tale tiko ga na tacida.

Dina ni sotava tiko o Andrey na ituvaki dredre, ia e vakayaloqaqataki keda ni kauaitaki tiko qai “mareqeti.”—Same 4:3.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU