OKOTOVA 21, 2021| IROGO VOU: TISEBA 26, 2022
RUSIA

IROGO VOU—ESO TALE NA ITOTOGI | Dina ni Ratou Totogitaki Vakabalavu ia Ratou Marau tu Ga

SARAVA/ROGOCA

Ena ika22 ni Tiseba 2022, e tauca na mataveilewai na Fourth General Jurisdiction Court of Cassation eso tale na kedratou itotogi o Brother Rustam Diarov, Brother Sergey Klikunov, Brother Yevgeniy Ivanov kei watina o Olga. E kaya na turaganilewa gauna ratou na sere kina e vakatabui me ratou biuti Astrakhan. Era sema ena internet o ira na tacida era lai rogoca na kisi ni veilewai qo.

Ena ika3 ni Maji 2022, e sega ni vakadonuya na mataveilewai na Astrakhan Regional Court mai Rusia, nodratou kerekere o Brother Rustam Diarov, Brother Sergey Klikunov, Brother Yevgeniy Ivanov kei watina o Olga. Ratou na vesu tiko ga e valeniveivesu.

Veitaravi ni Gauna

Okotova 25, 2021

Ratou totogitaki ena mataveilewai na Trusovskiy District Court of Astrakhan mai Rusia, o Brother Rustam, Brother Yevgeniy, kei Brother Sergey me ratou vesu me walu na yabaki e valeniveivesu. E totogitaki o Olga na wati Yevgeniy me tolu veimama na yabaki e valeniveivesu. Ratou sa vesu tiko na tolu na tacida tagane. Ni tau oti ga na lewa, sa vesu sara o Olga
June 11, 2020

Ratou vesu qai wawa veilewai o Rustam, Yevgeniy, kei Sergey. E vakatatabutaki tu i vale o Olga
June 9, 2020

Sivia e 100 na ovisa era curuma vakaukaua na nodra vale e 27 na tacida, ena siti o Astrakhan. Ratou qai vesu vakawawa o Rustam, Yevgeniy, Olga kei Sergey
June 8, 2020

Tekivu veilewaitaki o Rustam, Yevgeniy, Olga, kei Sergey. Ratou beitaki ni ratou tuvanaka qai vakailavotaka na cakacaka e vakavuna na tikoyavavala. E beitaki o Olga ni vakaitavi tale ga kina

Kedratou iTukutuku

Olga Ivanova

Sucu: 1982 (Volzhsky, Yasayasa o Volgograd)

Me baleti koya: Ni se gone, e vulica me vakatagitaka e dua na mataqali piano na accordion. Toso na gauna, e vulica me daunivosa, qai qasenivuli ni vosa vakavalagi

Ni se gone, e dau rerevaka na mate. E sotavi ira sara na iVakadinadina i Jiova o tinana, qai vakavulici koya ena iVolatabu ni se itabagone. Papitaiso sara ena 1997

Ka e Tukuna

Dina ni o sega ni raici watimu, ia na cava e vukei iko mo kua ni yalolailai?

Na nodrau ivakaraitaki o Jiova kei Jisu, e vukei au meu kua ni soro. O Jiova mada ga e cakava qori, rau a veitalatala tu kei na nona itokani dredre o Jisu me sivia e 33 na yabaki. E cakava qori ena vukuda na kawatamata, wili kina o au. E noqu itokani vinaka duadua o watiqu, dua na ka noqu dau nanumi koya. Ia me vakai Jiova ga kei Jisu, de dua sa voleka sara qo na gauna me keirau na veisotari tale kina. Au nuidei gona se mani ituvaki cava au sotava, au rawa ni vosota ena veitokoni ga i Jiova.

Sergey Klikunov

Sucu: 1975 (Astrakhan)

Me baleti koya: E dau tuki kaukamea (welder). Rau vulica vata na iVolatabu kei watina o Irina. E vukei koya na ivakavuvuli vakaivolatabu me biuta na vakatavako. Papitaiso sara ena 2007. E rua na luvedrau yalewa. E dau taleitaka na siwa, kei na qiri qita

Ka e Tukuna

Cava e vukei iko mo yalodina tiko ga?

Tekivu mai na gauna au vesu kina, au sa qai raica na bibi ni masu. E yaga sara vakalevu vei au qori niu vesu tu. E ono na vula noqu vesu duadua tu. E sega ni rawarawa dina, ia e vukei au na masu meu vosota tiko ga. Eso na gauna e dredre na ka au sotava, ia au dau tekiduru ga qai talaucaka na lomaqu vei Jiova. E totolo ga noqu dau vakila na vakacegu, e seavu tale ga noqu yalolailai. Au dau qoroqoro ga niu vakila na veitokoni i Jiova. E uqeti au qori meu nuitaki koya vakatabakidua, qai kua ni rere.

E veivakacegui nida kila ni o Jiova ena volekati ira tu ga nona dauveiqaravi yalodina era sotava na ituvaki dredre.—Same 139:5, 10.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU