TISEBA 27, 2022| IROGO VOU: MAJI 27, 2023
RUSIA

IROGO VOU—ITOTOGI ILAVO | “Nida Sotava na iTuvaki Dredre ena Vakaukauataki Keda o Jiova”

SARAVA/ROGOCA

Ena ika23 ni Maji 2023, e kaya na mataveilewai na Apatity City Court of the Murmansk Region mai Rusia, ni cala o Brother Denis Merkulov. E totogitaki me sauma e $6,485.00 na ilavo ni Merika.

Kena iTukutuku

Denis Merkulov

Sucu: 1976 (Kirovsk, Yasayasa o Murmansk)

Me baleti koya: E daunilivaliva qai tuki kaukamea (welder)

E kila nida na mate kece qai dua na ka nona leqataka qori. Ia e marautaka ni vulica ena iVolatabu na inaki ni Kalou me baleta na kawatamata. Papitaiso ena 1995. Rau vakamau kei Nataliya ena 1998

Ka e Tukuna

Cava o vulica ena ituvaki o sotava qo?

E sega ni tu tu ga au sa rawa ni bucina na itovo vinaka ena ituvaki dredre au sotava. Ena rawa ga niu vosota keu vakararavi vei Jiova e veisiga. Au dau taroga: ‘Au vakaraitaka vakacava na noqu nuitaki Jiova ena noqu isausau kei noqu vakatulewa ena veisiga? E vakacava na levu ni gauna au vakayagataka ena wili iVolatabu, vakavakarau ena soqoni kei na noqu wasea na itukutuku vinaka?’ Ni sotavi na ituvaki dredre e veisautaka vakadua na ivakarau ni noda bula. Ia ena rawa nida lomavakacegu qai vosota ke vinaka na noda veiwekani kei Jiova, e dei tale ga noda vakabauta.

Tikinivolatabu cava e yaga vakalevu vei iko?

Ni bera niu vesu keirau veivosakitaka vakaveiwatini na Aisea 41:10. E kaya: “Mo kua ni rere niu tokoni iko. Kua ni taqaya niu nomu Kalou.Au na vakaukauataki iko, io, au na vukei iko. Au na tokoni iko ena ligaqu imatau daudina.” Au cavuta tiko ga na tikinivolatabu qori ena gauna au vesu kina. Niu cavuta oti e dua na kena matavosa, au masu qai vakasamataka vakatitobu. E vaka ga e vosa tiko vei au o Jiova. Au vulica gona ni na sega ni vakatara o koya meda sotava e dua na ituvaki, e kila nida na rawa ni vosota ga vakataki keda. Ia nida sotava na ituvaki dredre, ena vakaukauataki keda o Jiova meda vosota.

Eda lomavakacegu nida kila se ituvaki dredre cava eda sotava na noda nuitaki Jiova, kei na noda veiwekani voleka kei koya, ena ‘vakataudeitaki keda, qai vakaukauataki keda.’—1 Pita 5:10.

Veitaravi ni Gauna

Julai 21, 2021

Era vaqaqara na ovisa ena nodra vale e 14 na tacida ena tauni o Apatity kei na veivanua voleka. Era curuma vakaukaua na nodrau vale na Merkulov, rau qai kau me rau lai vakatarogi. Rau sere ena va na kaloko ena mataka lailai ni siga tarava.
Julai 22, 2021

Era vinakata na ovisa me lesu o Denis ena ofisi ni veivaqaqai. E lai vesu tu vakawawa
Julai 23, 2021

Sere qai vakatatabutaki e vale
Seviteba 17, 2021

Oti nona vakatatabutaki e vale, ia e sega ni vakatarai me biuta nona yasayasa
Julai 15, 2022

Beitaki ni tuvanaka na cakacaka ni isoqosoqo e vakavuna na tikoyavavala nira “lagasere” qai “masu vua na Kalou o Jiova”
Seviteba 20, 2022

Tekivu veilewaitaki

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU