Ena ika3 ni Feperueri 2022, e kaya na mataveilewai na Ussuriyskiy District Court of the Primorye Territory mai Rusia, ni cala o Sergey. Ena vakatatabutaki me tolu na yabaki.

Sergey Melnikov

• Sucu: 1973 (Terney, Yasayasa o Primorye)

• Me baleti koya: E dau matai, daubokobuka, dausiwa, e dau sasamaki tale ga. Ni se itabagone e taleitaka na qito hockey kei na volleyball. Vulica na iVolatabu kei ira na iVakadinadina i Jiova ena itekitekivu ni 2000. Toki i Ussuriysk ena 2003, qai papitaiso ena yabaki tarava

Ena June 2019, a beitaki o Brother Sergey Melnikov ni daubasulawa. Era vesuki koya na ovisa ni e wasea tiko kina na itukutuku mai na iVolatabu vua e dua na tagane e tataleitaki. Era vaqaqara e nona vale, ra qai taura nona laptop kei na nona talevoni.

E va na vula nona vesu tu vakawawa, qai vakatabui me biuta nona vale me 145 na siga. Eso na gauna e sega ni vosota rawa na ituvaki dredre qori. Ia e dau vakayaloqaqataki koya na ka e kaya na 1 Korinica 10:13. E kaya o Sergey: “Au kila ke vakalaiva o Jiova na ituvaki qo, e kena ibalebale au na rawa ni vosota. O Jiova e solia vei au na ‘kaukaua e uasivia na kaukaua ni tamata.’”—2 Korinica 4:7.

Ena ika25 ni Feperueri 2020, sa vakadonui me veilakoyaki o Sergey. Ia era se yalana tiko ga na vakailesilesi me gole ina dua tale na vanua.

Nida waraka tiko na macala ni veilewai, eda nuidei ni o Jiova ena vukei Sergey qai nona isasabai wili kina o ira na tacida kece mai Rusia.—Same 115:11.