5 OKOSITA 2021
RUSIA
IROGO VOU | Na Masu e Vukei Brother Anatoliy Gorbunov me Marau Tiko Ga
Ena ika21 ni June 2022, e sega ni vakadonuya na mataveilewai na Krasnoyarsk Territory Court mai Rusia, nona kerekere o Brother Anatoliy Gorbunov. E sega tale ga ni veisautaka na mataveilewai na vakatulewa qori. Ena vakarau kau me lai vesu e valeniveivesu.
Ena ika2 ni Feperueri 2022, e kaya na mataveilewai na Oktyabr’skiy District Court of the City of Krasnoyarsk mai Rusia, ni cala o Brother Anatoliy Gorbunov. E totogitaki tale ga me ono na yabaki e valeniveivesu. Ni tau oti ga na lewa, sa kau sara me lai vesu.
Veitaravi ni Gauna
9 Feperueri, 2021
Tekivu veilewaitaki
15 Seviteba, 2020
iKarua ni gauna mera vaqaqara kina na vakailesilesi i nona vale. Era qai kauta na nona ki ni vale
25 Maji, 2020
Beitaki ni na daubasulawa, e cala tale ga nona tuvanaka tiko na lotu e vakatabui na kena isoqosoqo
7 Noveba, 2018
Era vaqaqara ena matakacaca na vakailesilesi i nona vale. Era taura na nona laptop, tablet, flash drive, hard drive, kei na rua na talevoni. E kau ina ofisi ni veivaqaqai me lai vakatarogi, oti e dua na aua sa qai sere mai
Kena iTukutuku
Nona nuitaki Jiova tiko ga ena masu o Anatoliy kei na nona vuvale, eda nuidei kina ni o Jiova ena tokoni ratou, ena vukei ratou tale ga me ratou marau tiko.—Same 25:1, 2.
Rawa ni o Wilika Tale ga
ITUKUTUKU VOU
Vesu ena Vuku ni Nodra Vakabauta—Rusia
Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.