2 FEPERUERI, 2022
RUSIA

IROGO VOU | Nona Gugumatua o Brother Andrey Vlasov e Donu Kina na Nona Rai

SARAVA/ROGOCA

Ena ika26 ni Julai 2022, e sega ni vakadonuya na mataveilewai na Kemerovo Regional Court mai Rusia, nona kerekere o Brother Andrey Vlasov. Ena vesu tiko ga.

Ena ika23 ni Me 2022, e kaya na mataveilewai na Central District Court of the City of Prokopyevsk mai Rusia, ni cala o Andrey. E totogitaki tale ga me vitu na yabaki e valeniveivesu. Ni tau oti ga na lewa sa kau sara me lai vesu.

Veitaravi ni Gauna

2 Julai, 2020

Beitaki ni daubasulawa ni kilakasamitaki na nona tuvanaka tiko na cakacaka ni isoqosoqo e vakavuna na tikoyavavala
12 Julai, 2020

Era vaqaqara na FSB ena nona vale kei na vanua ni nona cakacaka. Era taura nona iyaya vakalivaliva kei na iVolatabu. E vesu o Andrey, qai vakatarogi na watina o Nataliya vei ira na dauveivaqaqai
14 Julai, 2020

Sere qai vakatatabutaki i vale
June 9, 2021

Tekivu veilewaitaki

Kena iTukutuku

Andrey Vlasov

Sucu: 1968 (Prokopyevsk, Yasayasa o Kemerovo)

Me baleti koya: Taleitaka na droini kei na ivakatagi. E dau veitaba

A vakavulici koya ena iVolatabu o tacina. Papitaiso me iVakadinadina i Jiova ena 1991. Rau vakamau kei Nataliya ena 2003

Ka e Tukuna

Cava o cakava me donu tiko ga nomu rai?

Au vakaogai au ena levu na ka me rawa ni donu tiko ga na noqu rai. Au wili iVolatabu, vakavakarau ena soqoni, sarava na vidio ni isoqosoqo, boroboro, qai rogoca na katokatoni ni noda ivola. Au dau cakava tale ga eso na itavi e vale, qito chess, culacula, au cakava tale ga eso na qito me yavala kina noqu vakasama.

Era vakayaloqaqataki iko vakacava na mataveitacini?

E vakayaloqaqataki au nodra dau tukuna nira masulaki au tiko. E uqeti ira tale ga na ivakaraitaki ni noqu yalodina qori e uqeti ira tale ga mera yalodina vei Jiova.

Tikinivolatabu cava e vukei iko vakalevu?

E yaga vakalevu vei keirau vakaveiwatini na 1 Pita 4:12-14. Na tikinivolatabu qori e vukei keirau me keirau vosota ni caka na vaqaqara ena neirau vale, vakatarogi, kei na veilewai. . . . Keirau vola na tikinivolatabu qori ena dua na pepa, qai biuta ena dua na vanua ena rawarawa kina neirau raica. Niu vakatatabutaki tu i vale, keirau na vakasamataka mai kei watiqu na tikinivolatabu qori, e vakadeitaka tale ga vei keirau ni o Jiova ena sega vakadua ni laivi keirau. Niu vesu tu vakawawa, e vakayaloqaqataki au na Aisea 40:10-13. Au vakila tu ga na vakacegu ena gauna dredre qori.

E ka dokai dina noda mai lewe ni dua na vuvale kei Andrey, okati kina o ira na tacida e Rusia kei Crimea, ena nodra saga mera marau, qai yalodina tiko ga vei Jiova.—2 Korinica 1:24.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU