SEVITEBA 14, 2023 | IROGO VOU: SEVITEBA 22, 2023
RUSIA

IROGO VOU—RATOU TOTOGITAKI NA TACIDA YALEWA | Vakaukauataki Ratou na Masu

SARAVA/ROGOCA

Ena ika21 ni Seviteba 2023, e kaya na mataveilewai na Zeya District Court of the Amur Region ni ratou cala o Sister Margarita Moiseyenko, Sister Galina Yatsik kei Sister Yelena Yatsyk. Ena rube nona kisi o Sister Margarita Moiseyenko me tolu na yabaki, o Sister Galina Yatsik me rua na yabaki kei Sister Yelena Yatsyk me rua veimama na yabaki. Ratou na sega ni curu e valeniveivesu ena gauna qo.

Kedratou iTukutuku

Margarita Moiseyenko

Sucu: 1978 (Krasnoyarsk, Krasnoyarsk Territory)

Me baleti koya: E dau culacula. Rau vakamau kei Konstantin ena 1998. E totogitaki o Konstantin ena ika14 ni Julai 2021, qai rube nona kisi me ono na yabaki

Tekivu vulica na iVolatabu ni se qai yabaki 18 ni oti nona takali e dua na wekana voleka. Papitaiso me iVakadinadina i Jiova ena 2001

Ka e Tukuna

Cava ena vukei iko mo vosota

Au lai nanuma mai na kena vakamacalataki na Vosa Vakaibalebale 21:31 ena soqo ni veiwasewase ni 2018, e kena usutu “Mo Yaloqaqa”! E kaya: “Na ose e vakarautaki me baleta na siga ni ivalu, Ia na veivakabulai e nei Jiova.” Era dau rerere na ose. Ia era dau “vakarautaki” mera kua ni rere ena gauna ni ivalu. E va tale ga qori o keda. Eda sega ni sucu vata mai na vakabauta kei na yaloqaqa. Ena vinakati gona meda vakarautaki keda ni bera nida sotava na ituvaki dredre. Ena vinakati meda bucina na itovo qori. Ena bibi meu vakani au vakayalo, meu vulica vakatitobu na iVolatabu qai masulaka me kua ni luluqa noqu vakabauta se mani ituvaki cava au sotava.

Galina Yatsik a

Sucu: 1950 (Zeya)

Me baleti koya: E dau dikeva na kena vakayagataki na ilavo ena dua na kabani ni taravale. E sa cegu ena gauna qo

Rau vakamau kei Valeriy ena 1971. E dua na luvedrau yalewa, dua tale e tagane. E takali o watina ena 1995

Susu ena vuvale e sega ni vakabauta na Kalou, ia dau vaqaqa se tekivu vakacava na bula. E tekivu wilika na mekesini na Vale ni Vakatawa kei na Yadra! E dau tiko tale ga ena soqoni. E vakadeitaka kina ni tiko na Dauveibuli. E papitaiso ena 1994

Ka e Tukuna

O raica vakacava na yaga ni masu ena gauna dredre qo?

Au vulica na yaga ni noda dau masu vakalekaleka ni yaco e dua na ituvaki tawanamaki. Qori e vukei au meu tauri au vakamalua, me vinaka tiko ga na noqu itovo. Au marautaka ni so tale era masulaki au tiko. E kaya na Jemesa 5:16: “Me kua ni beci na vakamamasu ni tamata yalododonu ni na yaga vakalevu.” Au kila gona ni yaga vakalevu nodra masulaki au eso tale, au sega kina ni rere qai lomavakacegu tiko ga. Na noqu dau masu kei na nodra masulaki au eso tale, e vaka e vukei au meu yalodina ena gauna dredre qo

Eda vulica ena nodratou ivakaraitaki na tacida yalewa qo ni dau rogoca na noda masu o Jiova, ena vukei keda tale ga meda bucina na itovo ena vukei keda meda vosota.—1 Joni 5:14.

Veitaravi ni Gauna

Maji 21, 2019

Caka na vaqaqara ena nodrau vale na Moiseyenko
Okotova 13, 2020

Caka na vaqaqara ena nodrau vale o Yelena kei Galina
Noveba 22, 2021

Tekivu na veivaqaqai
Feperueri 15, 2022

Vakatabui me ratou gole ena dua tale na vanua
Epereli 24, 2023

Tekivu na veilewai

a b Rau sega ni veiwekani o Sister Galina Yatsik kei Sister Yelena Yatsyk

Raica Tale Ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU