OKOTOVA 27, 2021
RUSIA

IROGO VOU—SEGA NI VAKADONUI NA KEREKERE | “O Jiova e Taqomaki Au tu Ga”

SARAVA/ROGOCA

Ena imatai ni Noveba 2022, e sega ni vakadonuya na mataveilewai na Primorye Territory Court mai Rusia, nona kerekere o Sister Liya Maltseva. Ena sega ni biu e valeniveivesu ena gauna qo.

Ena ika20 ni Seviteba 2022, e kaya na mataveilewai na Partizansk City Court of the Primorye Territory mai Rusia, ni cala o Liya. Ena vakatatabutaki tale ga me rua na yabaki tolu na vula.

Veitaravi ni Gauna

June 22, 2021

Tekivu veilewaitaki
Okosita 18, 2020

Ra vaqaqara na ovisa vakalecaleca e nona vale, ra qai kauta nona iVolatabu, eso nona ivola kei na nona talevoni. Oti e kau me lai vakatarogi
Julai 9, 2020

Era okata na yacana na vakailesilesi me dua vei ira na batikadi, qai vakavuna na tikoyavavala
June 1, 2020

Tekivu vaqaqai o Sister Liya ni yavutaki ena Lawa ni Basulawa e Rusia. E beitaki ni vakaitavi tiko ena isoqosoqo lotu e sa vakatabui

Kena iTukutuku

Liya Maltseva

Sucu: 1969 (Anzhero-Sudzhensk, Yasayasa o Kemerovo)

Me baleti koya: Ni se gone, e taleitaka na danisi, kei na gade kei ratou nona vuvale. Vulica me dua na dauvakasaqa. E taleitaka na keba, kei na gade ena vanua rairai vinaka ena vanua e tiko kina

Ni sa uabula, e vakamacalataka vua o tinana na veika me baleti ira na iVakadinadina i Jiova. E vaqarai ira sara ena vanua ratou tiko kina, qai vinakata me vulica na iVolatabu. E vakacegui koya na ka e vulica ena iVolatabu ena ka ena yacovi keda nida mate. E kere vakacegu mai na mataivalu. Papitaiso sara ena 1999

Ka e Tukuna

Era vukei iko vakacava na mataveitacini?

Dua na ka noqu vakila nodra lomani au na mataveitacini, au sega sara ga ni namaka qori. Era tokoni au vakayago, vakayalo ra qai vukei au me dei tiko ga noqu vakabauta.

E qaqaco vakacava nomu veiwekani kei Jiova ena gauna dredre qo?

O Jiova e taqomaki au tu ga. Na ituvaki dredre au sotava, au vakadinadinataka kina ni o Jiova e dau karoni keda, ke caka mada ga vei keda na veika tawadodonu. Au vosota rawa ga ena veitokoni i Jiova, au nuitaka tale ga na nona veivakaukauataki. E kila vinaka tu na veika au rawata, kei na noqu vosota.

E vakayaloqaqataki keda na nona ivakaraitaki o Sister Liya, eda vakadeitaka tale ga ni o Jiova ena sauma nona yalododonu.—1 Samuela 26:23.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU