FEPERUERI 3, 2022 | IROGO VOU: JULAI 20, 2023
RUSIA

IROGO VOU—SEREKI O BROTHER ALEKSEY UKHOV | Vukei Koya na Wili iVolatabu kei na Vakasama Vakatitobu

SARAVA/ROGOCA

Ena ika18 ni Julai 2023, e veisautaka na mataveilewai na Khabarovsk Territory Court, nona itotogi o Brother Aleksey Ukhov. Sa na vakatatabutaki ga me ono veimama na yabaki.

Ena ika24 ni Maji 2023, e kaya na mataveilewai na Sovetsko-Gavansky City Court of the Khabarovsk Territory mai Rusia, ni cala o Brother Aleksey Ukhov. Ena vesu me ono veimama na yabaki. Ni tau oti ga na itotogi sa kau me lai vesu.

Veitaravi ni Gauna

Okotova 22, 2020

Era vaqaqara na vakailesilesi ni FSB ena nodrau vale na Ukhov. Era taura na nodrau iyaya vakalivaliva, flash drive, sim card, kad ni baqe, eso na nodrau ivola, kei na ivola vakaivolatabu. Ra qai vesuki koya tu vakawawa na dauveibeitaki
Okotova 23, 2020

Vakarota na mataveilewai me vesu vakawawa
Julai 9, 2021

Sere mai qai vakaroti me kua ni biuta na yasayasa o Komsomolsk-on-Amur na vanua e vesu tu kina
Seviteba 6, 2021

Tekivu veilewaitaki

Kena iTukutuku

Aleksey Ukhov

Sucu: 1980 (Lososina)

Me baleti koya: Ni se itabagone, e dau taleitaka na ka vakatevoro. Ia e vulica na iVolatabu kei ira na iVakadinadina i Jiova, qai cakava e levu na veiveisau ena nona bula. Papitaiso sara ena 1996. Rau vakamau kei Liliya ena 2003

Ka e Tukuna

Cava e vukei iko mo marau tiko ga ena gauna o vesu kina?

Noqu dau wili iVolatabu wasoma kei na vakasama vakatitobu. Gauna ga au taura kina e dua na peni kei na pepa, au sa vola sara ga na tikina bibi au vulica ena wase ni iVolatabu au wilika. . . . Noqu vesu tu au wilika taucoko tale na iVolatabu, oti au wiliwili tale mai na Vakatekivu ina Osea. Na wiliwili kei na vakasama vakatitobu e vukei au meu kua ni vakasamataka vakalevu na noqu vesu tiko.

E vaqaqacotaka vakacava na ituvaki qo na nomu nuitaki Jiova?

Ni bera niu vesu, levu na ka au cakava au dau nuitaka ga na noqu kaukaua. . . . Au rawa ni cakava ga vakai au na ka kece e veisiga. Kena vakaraitaki, ke dua na iyaya e kamusu, au na vakavinakataka. Keu vinakata e dua na ka, au na volia. . . . Ia na ituvaki au sotava qo, e sega ni dua na ka au rawa ni cakava kina. Au vulica kina meu nuitaki Jiova ga vakatabakidua, qai vakararavi vua.

Eda kila ni o Jiova ena tokoni Aleksey ‘ni vakamalumalumu tiko ga ena nona lewadodonu.’—1 Pita 2:23.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU