25 ME, 2022
RUSIA

IROGO VOU | “Sega ni Dodonu Meda Rerevaka e Dua na Ka”

SARAVA/ROGOCA

Ena ika25 ni Me 2022, e kaya na mataveilewai na Metallurgichesky District Court of Chelyabinsk mai Rusia, ni cala o Brother Pavel Popov. E vakatatabutaki tale ga me ono na yabaki. Ena sega ni biu e valeniveivesu ena gauna qo.

Veitaravi ni Gauna

26 Maji, 2019

Era curuma na vale nei Pavel e tini na tagane era vakamatavulo ra tauri dakai kei na ituki, ra qai vaqaqara e nona vale
22 Epereli, 2021

Tekivu vaqaqai
18 Me, 2021

Vaqaqara na vakailesilesi ena nona vale ena ikarua ni gauna. Kau o Yelena na wati Pavel, kei na luvedrau goneyalewa yabaki 13 me rau lai vakatarogi
31 Okosita, 2021

Biu na yaca i Pavel ena nodra lisi na dauvakacaca qai vakavuna na tikoyavavala
29 Noveba, 2021

Tekivu veilewai

Kena iTukutuku

Pavel Popov

Sucu: 1977 (Novokuznetsk, Yasayasa o Kemerovo)

Me baleti koya: Nona rarawataka na ivakarau ni bula e vale, e vakavuna me kana tavako qai gunu ni se gone. Ni yabaki 15, e mate o tamana. E dau tuki kaukamea (welder)

Nona kila na yalayala ni bula tawamudu ena Parataisi, qori e uqeti koya me vulica na iVolatabu. Ena 1994, e vulica na iVolatabu kei ira na iVakadinadina i Jiova. Qoroya na donu vinaka ni ka e tukuna na iVolatabu kei na vakayacori ni parofisai. Papitaiso ena 1995

Rau vakamau kei Yelena ena 2003. E dua na luvedrau yalewa

Ka e Tukuna

Cava e vukei iko mo kua ni rere?

E kaya o Jisu ke da kau vei ira na vakailesilesi, e dodonu meda vunau ena gauna qori. (Maciu 10:18) De dua e sega ni gauna vinaka qori meu vunau kina, ia au vakila na veivuke i Jiova kei na nodra veitokoni na mataveitacini. Au vakadeitaka kina ni sega ni dodonu meda rerevaka e dua na ka. . . . Mai na ka au kila, na dredre eda sotava ena salavata mai kei na veivakalougatataki. Keu sasaga vakaukaua meu tukuna vei ira eso tale na yaca ni Kalou kei na nona Matanitu, au na sega kina rere se yalolailai.

Eda kila ni o Jiova ena tokoni ira na tacida era yalodina nira vakatovolei, ena vakalougatataki ira tale ga.—2 Samuela 22:19-21.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU