14 JULAI, 2021 | IROGO VOU: TISEBA 2, 2022
RUSIA

IROGO VOU—TAU NA ITOTOGI | Yalodina Tiko ga Eso na Tacida ni Ratou Tusaqati

SARAVA/ROGOCA

Ena ika30 ni Noveba 2022, e kaya na mataveilewai na Ussuriyskiy District Court of the Primorye Territory mai Rusia, ni cala o Brother Anton Chermnykh, Brother Sergey Korolchuk, kei Brother Dmitriy Tishchenko. E sa rube na nodratou kisi me ono na yabaki. Ratou na sega ni curu e valeniveivesu ena gauna qo.

Veitaravi ni Gauna

23 Seviteba, 2020

Rogoci nodratou kisi o Anton, Sergey, kei Dmitriy
7 Julai, 2020

Beitaki o Anton, Sergey kei Dmitriy ni ratou tuvanaka tiko na soqoni e vakavuna na “tikoyavavala”
18 June 2019

Vesu me rua na siga o Sergey

Kedratou iTukutuku

Sergey Korolchuk

Sucu: 1967 (Vladivostok, Yasayasa o Primorye)

Me baleti koya: E lewena na mataivalu, e vakailesilesi tale ga ni Committee for State Security (KGB). Toso na gauna e kenadau ena vakayagataki ni misini ena dua na kabani e dau caka iyaya ni vale. Sa dau sasamaki tiko ena gauna qo. Vakamau kei Yelena ena 1989, qai rua na luvedrau

E qoroya na ka e kaya na iVolatabu me baleta na veika e yaco tiko e vuravura, kei na inuinui totoka ena veigauna se bera mai. Papitaiso me iVakadinadina i Jiova ena 1993

Ka e tukuna

E vukei iko vakacava na veivakacacani ena gauna qo ke vakatovolei nomu vakabauta ena dua na gauna mai muri?

E matata sara tu ga ni veika kece e yaco tu qo sa tukuna makawa tu mai o Jisu. Meda kua gona ni leqataka vakasivia, meda lomavakacegu ga. Meda saga ga meda maqosataka tiko ga qai tukuna ena veidokai na ka dina vei ira eso tale. Keitou sa tu vakarau gona vakavuvale me keitou ciqoma na vakataulewa cava ga ena tauca na mataveilewai.

Ni se toso tiko ga nodratou vaqaqai o Anton, Sergey kei Dmitriy. Eda nuidei ni o Jiova ena vakalougatataka nodratou yalodina kei na vakabauta.—Vosa Vakaibalebale 28:20.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU