NOVEBA 28, 2022| IROGO VOU: EPERELI 27, 2023
RUSIA

IROGO VOU—TOTOGI ILAVO | Ratou Lomavakacegu ni Ratou Nuitaki Jiova

SARAVA/ROGOCA

Ena ika26 ni Epereli 2023, e kaya na mataveilewai na Leninskiy District Court of Nizhny Novgorod mai Rusia, ni cala o Brother Oleg Konshin, Brother Sergey Malyanov, Brother Roman Zhivolupov, a kei Sister Svetlana Malyanova na luvei Brother Sergey. Ratou totogitaki vakailavo me ratou sauma e $5,494 ina $8,546 na ilavo ni Merika.

Kedratou iTukutuku

Sergey Malyanov

Sucu: 1969 (Nizhny Novgorod, Yasayasa o Nizhny Novgorod)

Me baleti koya: Ni se itabagone, e vulica na vakasisisi ena waicevata. E dau tomani ira na dauvakatasuasua era gole ena yasayasa kece e Rusia, kei vanuatani. E dua na luvena yalewa o Svetlana, e veilewaitaki tale ga ena kisi qo.

Vukei koya e dua rau cakacaka vata me vulica na iVolatabu. Na vanua kece e gole kina, ena saga me tiko ena soqoni. E uqeti koya na nodra veilomani, qai duavata na tacida. Papitaiso ena 1998

Ka e Tukuna

Sala cava drau veitokoni kina vakaveitamani ena gauna dredre qo?

Gauna au vakatarogi kina era vakarerei au na ovisa ena veika keirau na sotava. Era vinakata meu muria na veika era tukuna, qai sainitaka ena dua na pepa niu cala. Era saga mada ga me keirau veisivi ena pasese ena siteseni ni ovisa. Era nanuma niu na yalolailai kina, ia e sega. Na gauna lekaleka qori, keirau veivakayaloqaqataki, keirau kila tale ga ni o Jiova ena vukei keirau. E vakaukauataki au niu raica nona yaloqaqa o luvequ. Au tukuna vei ratou na ovisa se mani cava era cakava vei keirau, au na sega vakadua ni sainitaka niu cala.

Svetlana Malyanova

Sucu: 1996 (Nizhny Novgorod)

Me baleti koya: Taleitaka na serekali, wilivola, kei na lagasere. E dau veivakavulici ena vosa vakavalagi, kei na vosa vakaVaranise

Ni se gone, e vulica na veika me baleti Jiova vei tamana o Sergey. Ena 2016, e papitaiso ni yabaki 20

Ka e Tukuna

E vakayaloqaqataki ira vakacava eso tale na ka o sotava?

Au dau lomaocaoca, nira vesu gona na tacida au vakasamataka keu rawa ni vosota na ituvaki ya se sega. Gauna era curuma kina vakaukaua na ovisa na noqu vale, e totolo ga noqu masu. Au kila ni rawa niu nuitaki Jiova duadua ga ena gauna qori. Era saga mera vakayalolailaitaki au ena gauna au vakatarogi kina, ia au sega ni tadra niu na vosota rawa qori ena veivuke ga i Jiova. Eso na gauna ena tukuna e dua na tacida tagane, se yalewa: “Ke sa rawa ni vosota o Svetlana, au rawa tale ga ni vosota!”

Dina nira vakacacani tiko na tacida, ia na nodra yalodina vei Jiova e vakadinadinataka ni o ira na “nuitaki Jiova,” era na ‘yaloqaqa qai dei na lomadra.’—Same 27:14.

Veitaravi ni Gauna

Feperueri 7, 2019

Tukuna na turaganilewa vua e dua na ovisa me vakarogoca lo nona qiri o Sergey, kei na nona vakayagataka eso tale na iyaya vakalivaliva
Julai 16-17, 2019

Era vaqaqara na ovisa ena 31 nodra vale na tacida e Nizhny Novgorod, kei na yasayasa o Nizhny Novgorod. Ratou mani vesu vakawawa o Oleg, Sergey, kei Svetlana. Oti ratou qai vaqaqai
Julai 18, 2019

Sere mai o Oleg, Sergey, kei Svetlana. E kaya na mataveilewai me yalani na gauna rau biuta na nodrau vale o rau na tacida tagane, kua ni rau veivosaki, se vakayagataka na internet
Okosita 24, 2021

Beitaki o Roman ni vakaitavi ena isoqosoqo e vakavuna na tikoyavavala, qai vakatabui me gole ena dua tale na vanua
Maji 3, 2022

Tekivu na veilewai

a b E sega na itaba kei Brother Roman Zhivolupov ena gauna e tabaki kina na ulutaga qo.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU