MAJI 22, 2023 | IROGO VOU: EPERELI 28, 2023
RUSIA

IROGO VOU—TOTOGITAKI | “Au na Cakava na Veika Kece e Vinakata o Jiova”

SARAVA/ROGOCA

Ena ika28 ni Epereli 2023, e kaya na mataveilewai na Asha City Court of the Chelyabinsk Region e Rusia, ni cala o Brother Vadim Fedorov. E rube na nona kisi me ono na yabaki. Ena sega ni curu e valeniveivesu ena gauna qo.

Kedrau iTukutuku

Vadim Fedorov

Sucu: 1968 (Rudny, Kazakhstan)

Me baleti koya: Cakacaka ena tabana ni usa kako

Rau vakamau kei Lyubov ena 1991. E lima na luvedrau

E taleitaka ni yalataka na iVolatabu na bula tawamudu. Rau papitaiso vakaveiwatini ena 1993

Ka e Tukuna

E uqeti iko vakacava na nodra ivakaraitaki na tacida era tusaqati?

Au veivosaki kei na vica tacida ratou se qai tusaqati ga qo ena vuku ni nodratou vakabauta. E vakayaloqaqataki au vakalevu na neirau veitalanoa kei Brother Nikolay Kuzichkin. E tauvimate bibi ena gauna e tu kina e valeniveivesu. E sa itabaqase qai tautauvimate, ia au qoroya ni se nanuma vinaka tu e levu na tikinivolatabu. E laurai sara ga na levu ni nona mareqeta na Vosa ni Kalou, qai qaqaco na nona veiwekani kei Jiova. Au vakadeitaka kina ni na sega ni vakaleqa na noda veiwekani kei Jiova na tauvimate, bula vaqase se noda bala e valeniveivesu. Au vakadeitaka ena vakamacala i Nikolay, ni o Jiova ga ena solia vei keda na kaukaua e uasivia na kaukaua ni tamata.

Na itovo cava o bucina ni o sotava tiko na ituvaki dredre qo?

Au dau vakatulewa vakariri. Au sega ni dau vakasamataka vinaka na veika meu cakava. Ia e vukei au na ituvaki dredre qo, meu dau vosovoso, vakabibi meu dau waraki Jiova. Meu dau vakararavi tale ga vua me dusimaka na noqu ilakolako. Au na cakava na veika kece e vinakata o Jiova.

Eda nuidei me vakataki Vadim, ni o Jiova na vakalougatataki ira na nuitaki koya qai “muria nona sala.”—Same 37:34.

Veitaravi ni Gauna

June 11, 2021

Era vaqaqara na ovisa ena nona vale o Vadim, kei na nona vale o luvena tagane o Andrey
Epereli 29, 2022

Beitaki ena basulawa o Vadim
Tiseba 1, 2022

Tekivu veilewaitaki

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU