SEVITEBA 21, 2022 | IROGO VOU: JANUERI 19, 2023
RUSIA

IROGO VOU—TOTOGITAKI | “Keimami na Vosota Vata na iTuvaki Dredre Qo”

SARAVA/ROGOCA

Ena ika17 ni Janueri 2023, e kaya na mataveilewai na Avtozavodskiy District Court of Nizhny Novgorod mai Rusia, ni cala o Brother Gevorg Gevorkyan. E vakatatabutaki tale ga me ono na yabaki. Ena sega ni biu e valeniveivesu ena gauna qo.

Veitaravi ni Gauna

Julai 17, 2019

Era vaqaqara na ovisa e nona vale, ra qai kauta na iyaya vakalivaliva kei na so na ka vakaivola
Julai 18, 2019

Vesu e vanua ni nona cakacaka, qai kau me lai vakatarogi. E vesu tu me tini na aua
Okosita 26, 2021

Vakatabui me gole ena dua tale na vanua
Noveba 24, 2021

Beitaki ni liutaka tiko na soqoni ni iVakadinadina i Jiova
Janueri 26, 2022

Kau lesu nona kisi vua na dauveibeitaki

Kena iTukutuku

Gevorg Gevorkyan

Sucu: 1971 (Tvarcheli, Republic of Abkhazia)

Me baleti koya: Ni yabaki 15, ratou toki vakavuvale i Tbilisi e Georgia. E toki e Rusia ena vuku ni ivalu. E dau draivataka na misini ni usaiyaya (forklift) ena dua na vale ni buli iyaya

Nona wilika na ivola Life–How Did It Get Here? By Evolution or by Creation?, e uqeti koya me via kila na itekitekivu ni bula. Vulica sara na iVolatabu, qai papitaiso ena 1996. Ena yabaki tale ga qori rau vakamau kei Yana

Ka e Tukuna

Cava e vukei kemudrau mo drau marau tiko ga?

Keirau saga vakaveiwatini me donu tiko ga neirau rai. Ia eso na gauna au dau yalolailai. Ni yaco qori keirau vakadeitaka me keirau veilomani, qai veitokoni tiko ga.

E vakaraitaka vakacava o Jiova ni lomani iko?

E talei dina vei au na nodra veikauaitaki, kei na nodra vukei au o ira tale ga na vaqaqai tiko. Eso mada ga na tacida au sega ni kilai ira era tiko ena imatai ni gauna e rogoci kina na noqu kisi, kei ira tale ga na mataveitacini ena noqu ivavakoso. E vakaukauataki au na nodra veivakayaloqaqataki, kei na nodra matadredredre. E vaka ga e vakayagataki ira o Jiova me vakadeitaka vei au ni keimami na vosota vata na ituvaki dredre qo.

Na ka e sotava o Gevorg eda kila ni ‘veika rarawa vata ga qori era vakila tiko na tacida kece.’ Ena vukei keda kece meda vorati Setani, qai ‘dei na noda vakabauta.’—1 Pita 5:9.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU