EPERELI 1, 2021| IROGO VOU: FEPERUERI 17, 2023
RUSIA
IROGO VOU—TOTOGITAKI NA TACIDA | Beca na Mataveilewai Nona Galala ni Sokalou o Brother Yevgeniy
Ena ika17 ni Feperueri 2023, e kaya na mataveilewai na Birobidzhan District Court of the Jewish Autonomous Region e Rusia ni cala o Brother Yevgeniy Yegorov qai vakatatabutaki koya me rua veimama na yabaki. Ena sega ni curu e valeniveivesu ena gauna qo.
Ena ika3 ni Okotova 2022, e bokoca na mataveilewai na Court of the Jewish Autonomous Region, na lewa me baleti Yevgeniy. Qori ni tauca oti na lewa na mataveilewai na Ninth General Jurisdiction Court of Cassation, me kau lesu nona kisi ina mataveilewai na Court of the Jewish Autonomous Region. Ena rogoca tale na nona kisi na mataveilewai na Birobidzhan District Court of the Jewish Autonomous Region.
Ena ika25 ni Noveba 2021, e sega ni vakadonuya na Court of the Jewish Autonomous Region mai Rusia, nona kerekere o Brother Yevgeniy Yegorov. Ena vakatatabutaki tiko ga, ia ena sega ni biu e valeniveivesu ena gauna qo.
Ena ika21 ni June 2021, e vakataulewataka na Birobidzhan District Court of the Jewish Autonomous Region mai Rusia, ni cala o Yevgeniy. Ena vakatatabutaki me rua veimama na yabaki.
Kena iTukutuku
Yevgeniy Yegorov
Born: 1991 (Birobidzhan)
Me baleti koya: Susugi koya o tinana kei buna. Vulica na veika vakalivaliva. E dau caka ki (locksmith), e vakavinakataka tale ga na talevoni kei na tivi. E taleitaka na wilivola kei na volavola, e tabaki tale ga eso na ivola kei na serekali a vola. Papitaiso me iVakadinadina i Jiova ena 2005. Rau vakamau kei Kseniya ena Seviteba 2019. A sucu na luvedrau tagane ena Okosita 2020
iTukutuku ni Veilewai
Ena Me 2018, era vaqaqara na Federal Security Service (FSB) ena levu na vale e Birobidzhan. Oti ga vakalailai nodrau vakamau o Yevgeniy, a “beitaki” ni daubasulawa ni vakamacalataka na nona vakabauta qai wilika tiko na iVolatabu. E vakatabui tale ga me veilakoyaki. Gauna vata qori e beitaki tale ga ni daubasulawa o Larisa Artamonova na tinana. Ena Tiseba 2019, sa tekivu veilewai tiko o Yevgeniy ena Birobidzhan District Court.
E vakadinadinataka o Yevgeniy ni sa qai volekati Jiova ga vakalevu ena gauna qo. E kaya: “E vakacegui au tu ga o Jiova ena gauna dredre kece qo, e solia tale ga vei au na ‘kaukaua e uasivia na kaukaua ni tamata.’”—2 Korinica 4:7.
Ena veivuke i Jiova e kila tiko Yevgeniy ni dodonu me vakarautaki koya ena ka ena yaco ena gauna se bera mai, qai kabiti Jiova tiko ga. E kaya: “Se mani ituvaki dredre cava au sotava, e bibi duadua meu vaqaqacotaka tiko ga noqu veiwekani kei Jiova.”
Dina ni vakacacani o Yevgeniy, Kseniya kei ira na tacida e Rusia. Ia eda nuidei ni na vakaukauataki ira na ka e kaya na Same 10:17: “I Jiova, oni na rogoca na nodra kerekere na yalomalua. Oni na vakataudeitaka na lomadra, oni na kauaitaki ira sara ga.”
Rawa ni o Wilika Tale ga
ITUKUTUKU VOU
Vesu ena Vuku ni Nodra Vakabauta—Rusia
Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.