TISEBA 16, 2022
RUSIA

IROGO VOU—TOTOGITAKI NA TACIDA TAGANE | Marau Tiko ga ni Sotavi na iTuvaki Dredre

SARAVA/ROGOCA

Ena ika20 ni June 2023, e kaya na mataveilewai na Tsentralnyi District Court of Sochi e Rusia ni cala o Brother Danil Suvorov qai totogitaki me vesu me ono na yabaki. E vesu tu o Danil me tekivu ena ika18 ni Okosita 2021, ena sega tale ga ni sere ena gauna qo.

Kena iTukutuku

Danil Suvorov a

Sucu: 1995 (Almetyevsk, Republic of Tatarstan)

Me baleti koya: E dau volivolitaki ena dua na sitoa ni iyaya ni vale

E vulica na veika me baleti Jiova vei tinana, papitaiso sara ena 2011

Ka e Tukuna o Sister Gulnara na Tinai Danil b

Cava e vukei Danil me vosota?

Dina e sega ni rawa niu sikovi koya, ia e dau volavola mai vei au. E kaya meu kua ni leqataki koya, e sega tale ga ni dau vosakudrukudru. E vakadeitaka ni vakila na veitokoni i Jiova. E levu era taleitaka mera veitalanoa kei koya ni dau yalovinaka, e dau vakarorogo tale ga. E dau kauaitaki ira nira sotava na ituvaki dredre. E uqeti au dina nona tukuna ni sa okata tiko na vanua e vesu kina me nona yalava ni vunau. Me vaka ni levu era curu suka e kea, e rawarawa kina vua me vunau vakalevu. E dau wilika na iVolatabu, vakavakarau ena soqoni, qai vakaliuca na veika vakayalo.

Cava o vulica me baleti Jiova ena gauna dredre qo?

E raica tu o Jiova na levu ni veika ca e vuravura, ia e marau tu ga. E kaya na 2 Veigauna 16:9: “Ni veiraiyaki na mata i Jiova e vuravura taucoko me vakaraitaka na nona kaukaua vei ira e taucoko vua na lomadra.” Kena ibalebale, e vakaraica tiko o koya na sala e rawa ni vukei ira kina nona dauveiqaravi. Au na sega gona ni yalolailai keu ogaoga tiko ga ena ka vakayalo, vukei ira na mataveitacini qai vakaitavi vakalevu ena cakacaka vakavunau.

Se mani ituvaki cava eda sotava, e rawa nida marau nida solia noda vinaka kece nida qaravi Jiova, qai kabiti koya tiko ga.—Same 16:11.

Veitaravi ni Gauna

Okosita 13, 2021

Tekivu na veivaqaqai ni dua e vakalecaleca me vulica na iVolatabu, e qai lai tukuna vei ira na vakailesilesi na veika me baleti Danil
Okosita 18, 2021

Caka na vaqaqara e nona vale, qai kau me lai vakatarogi
Okosita 19, 2021

Vesu me wawa veilewai
Epereli 29, 2022

Beitaki ni cala ena nona tuvanaka, vakaitavi qai uqeti ira eso tale mera lewena na isoqosoqo e vakavuna na tikoyavavala
June 10, 2022

Tekivu veilewaitaki

a b Ni vakarautaki tiko na ulutaga qo, e sega ni rawa ni tauri nona itukutuku o Brother Suvorov ni se vesu tu vakawawa ena gauna qo.

Rawa ni o Wilika Tale ga

ITUKUTUKU VOU

Vesu ena Vuku ni Nodra Vakabauta—⁠Rusia

Era vesu ena vuku ni nodra vakabauta na iVakadinadina i Jiova mai Rusia. Vulica na kedra itukutuku, qai tabaka (print) tale ga na lisi ni yacadra kece na iVakadinadina i Jiova era vesu tiko ena gauna qo.

ITUKUTUKU VOU